طيبة الشيخ القرشي ودالزين
منتديات طيبة الشيخ القرشي ترحب بكم
نرجو التسجيل ايها الزائرالكريم ... انت غير مسجل
وخاصة ابناء طيبة الشيخ القرشي
nets

انضم إلى المنتدى ، فالأمر سريع وسهل

طيبة الشيخ القرشي ودالزين
منتديات طيبة الشيخ القرشي ترحب بكم
نرجو التسجيل ايها الزائرالكريم ... انت غير مسجل
وخاصة ابناء طيبة الشيخ القرشي
nets
طيبة الشيخ القرشي ودالزين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات طيبه الشيخ القرشي ودالزين


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

مساااااااااادير,,,,,,,,,,,,كل يوم مسدار ونمة

+14
zoooba
حافظ محمد الامين
ابو فارس
اسماعيل محمد عمر عثمان
sameeha bashir
froco
fatima argala
وصال مالك
mohammed abusabah
ود الحبوب
حاتم عرقله
جندي ود الزين
ود الصديق
somia
18 مشترك

انتقل الى الصفحة : الصفحة السابقة  1, 2, 3, 4, 5, 6  الصفحة التالية

اذهب الى الأسفل  رسالة [صفحة 3 من اصل 6]

somia

somia

درقة الرغوة الفى وصف الدنيا دى شايفاها طالت لكن لازم نتمها
تبقالك جنينة تمتعك بثماره
ترقد فى امانها وتنهمك فى عماره
باكر تبقى ليك جنظل وتشوفه دماره
تسحب منك النعمة وتدق مسماره

ود الحبوب

ود الحبوب

جانا الأسد قلنا لو طبعك ساهل
ما فينا الاضينه الفي العروض متساهل
براق المطر وقّف سحابو الباهل
وقال للكرم اياك صحيح ودكاهل

ود الحبوب

ود الحبوب

قالت شغبه المروغمابيه وهي أميرة شعراء البطانه
يا حسين ماني امك وإت ماك ولدي
بطنك كرشت غي البنات ناسي
دقنك حمست جلدك خرش مافي
ولاك مضروب بالسيف نكمد في
ولاك مفلوك لسان الصيد نفصد في

ود الصديق

ود الصديق

من حسس ام رشوم الحار بقول واغلبى

وما لقيت لى طبيبا يعرف الحاصلبى

عاد يا بنيه كان فت ليل معاى تنسلبى

هاك يا سمحه شن ما دورى من تتطلبى

ود الحبوب

ود الحبوب

النار شكلها بردت ولا الحاصل شنو الناس دى وين مافى زول بيقو ل هاك فنجان الجبنهة دى.



رُبْطو الجـــــــــانا ضامر لا كَبد ولا كرشة‎
سحّار الغروب جيب لي العلوق بي الورشة‎
نفِّصــــــنْ المراتب ؤطرَّحن‎ ‎بــــــي الفُرشة‎
داير يبــــــرى جرحاً في القلب مُــو خرشة‎



عدل سابقا من قبل ود الحبوب في السبت أكتوبر 16, 2010 11:53 pm عدل 2 مرات (السبب : تعديل)

ود الصديق

ود الصديق

هييييييع.. والله كلام يا حبوب.. حرم تشرب بكري وتتني كمان..

غاب نجـــــم النَطِح والحر علينا إشتدَ
ضَيـَّـقـْنـا وقِصر لَيلُو ونهــــارُوْ إمتدَّ
نَظِرة المنــــُّو للقانون بِقيـــت إتحدَّى
فتحـت عندي منطقة الغُنا الإنســَدَّ

57مساااااااااادير,,,,,,,,,,,,كل يوم مسدار ونمة - صفحة 3 Empty الراكوبة الأحد أكتوبر 17, 2010 6:44 am

froco

froco

زولا متغريف وريحة حبنتكم جابته من بعيد اسمحولي بفنجانين دبل
وياوصال رهيبه عديل انت سكنت بري والله ابحريره
الولد البخاف القبيلة تلومو ،،، يخلف ساقه فوق تيسا رقيق قدومه ،،، أم اجيب مالا يفرح حرمو أو الرماد يكتح خشم حرومو

ياخدرة الجروف المفرهده ديمة ندية ،،،،انا على الواقع وريك كيف أشيل أيده
مالا وحلالي خديه هديه

somia

somia

دى الغشاشة دى الغدارة دى العقارة
كم قلبت زغاريد عرسو بى نقارة
اعلنا بى الحرب قبال تشن الغارة
وقبل الروح تغرغر تبقى فى الغزغارة

ود الصديق

ود الصديق

انتي يا سميه عملتي الراكوبه دي وكمان تتعزمي عليها!!
أها هاكم:



الشاعر " احمد عوض الكريم ابو سن " يحدثنا في مسدار " الصباغ " كيف أن محبوبته تأمر من يقوم على خدمتها بأن يعنى بأمر جمل الشاعر ويوفر له " العلوق " الكلأ :

أرُبْطو الجـانا ضامر لا كَبد ولا كرشة
سحّار الغروب جيب لي العلوق بي الورشة
نفِّصـنْ المراتب ؤطرَّحن بـي الفُرشة
داير يبـرى جرحاً في القلب مُــو خرشة

ود الحبوب

ود الحبوب

يقول احد شعراء الهمباته:
:

الولــــد البدور في قفاهـــو ما يتشَنــّف

اللحجـــــم قُجة اللشَق الطويل ومقنّـــف

ولا أم رُبــــة لا حولين تَكوفتُوْ مَصَنّـــف
ْ
أما يجيب رُضــــى السمتانة ما بتخنّــــف

مايتشنف : لايتلام من الشناف وهو اللوم
اللحجم : من الحجم وهو ربط البعير عند مؤخرة الرأس , قجة : سنام الجمل اللشق : من لشق طافة الجمل إى وضعها على ظهر البعير مقنف : المقنف : الطويل المرفوع الرأس
رُضى :من الرضوه التى تجلب للمحبوبة , السمتانة : من السمته صفة للكرم وجميل الخصال
وتطلق للرجال (السمتان والسيمت ) وأستخدمت هنا للمرأة ,مابتخنف : لاتلام
الربة والروبة : الشعر , حولين : سنتين تكوفتو : تمشطه (يرمز لموته وحداد المرأة علية بعدم تسريح شعرها

تعليق خارج النص!!!!
هنا يوجد تفسير : لاسم عائلة (السيمت) فى طيبه فهم اهل للكرم



عدل سابقا من قبل ود الحبوب في الإثنين أكتوبر 18, 2010 2:11 am عدل 1 مرات (السبب : تعديل)

somia

somia

عزازا للرزائل حاشامابدنو
الجار والعشير عليهو بحنو
زمن الكيك بيصهل والخيول ببرنو
ياتو الخيلو غارن وخيلنا ماقلبنو
* * *
ان دارت رحى الحرب والنحاس جاب جنو
يامخاصم شكير درب الخلاص كيفنو
غراف الصقور من الكبد شابعنو
يشربو صافى والغير بالكدر ساقينو
ود الشريقاوى

somia

somia

ياسامع دبيب النملة جوف العتمة
ياكاشف الخفايا الفى الضمائر كاتمة
بى جاه سيد الرسل الكرام ابو فاطمة
لطفك بى عكيييييييير يوم الدفن والخاتمه

ود الحبوب

ود الحبوب

نســيمك يا ام هبج شفخانة المتألم
حُقًنٍك سيف وسلفٍك راس حصان متكلم
أكان كتَم سمـاكٍ وليلك أمسى مضلٍم
مابشق بيكى طالب الجامعة المتـعلم

******
بت المن رشاشن بالبطانة اتهوًن
وقفن فوق علو ومن الأنيس اٍتحوَن
وآ أسفايا من الكل يوم بتــلون
شهدان موسى من فرو المنازل ضوَن

******
بت اللا زمان نطحت فيافى وصَي
يجادعن بالبغو قش البطانة الني
دغسات العيون الما بيرد الحى
لي ليمك شحد ربى ورفعت اٍيدي

******
مبسوطة البطانة وقاستا النقاعة
دار خبر الرحيل اتباشروبو جماعة
قاصداك اريل الفودة البضوى شعاعا
أحمت عينى تغمد عقربا اللطـاعة

64مساااااااااادير,,,,,,,,,,,,كل يوم مسدار ونمة - صفحة 3 Empty مسدار الخليج للكتيابى الجمعة أكتوبر 22, 2010 11:03 am

somia

somia

هذة مربعات من مسدار الخليج للشاعر الفذ عبد القادرالكتيابى


داك العـام وكانت صيفه حـــرها لاهب
فوق ضهري الحمول متزايده كلها واجـب
قال ليا الرفيق( هج ) قتلو تب ماك صاحب
كيف المتلي يرحل ؟ قالي فيها مكاســب
**
قفيت من ربــوع امدر ركبت الكبـري
عين في النيل وعين تحسب كهارب بحري
يا الطياره رزمك حاكى رزمـــة صدري
طيـــري على الخليج قبال يلجلج صبري
**
طارت واقلعــت من المطــار متهادره
من فوق السحاب شفت البيوت متصـاغره
كرجت الضروس يانفسي خليك صــابره
شن خلاك تطيري وكنت لازمــه الجابره

ألكانما الامــرَّ من الصــــــبر والمر
ما كنت انجــــــبرت بعدت من ام در
حـار بالحيـل فراق وطني وشوارعــو الغر
و احر من البعد والشوق، هــــوان الحـر
**
يا بحـر الخليج ساحلك شواني رطوبــه
رملك صـر جمــر فوقـو الشمس مقلوبه
زيتــك والمدن وجنـاينــك المجـلوبه
ما بتوزن ولا اااا في امبده ضـل راكوبـه
**
ساكت بهرجــه وصورن على الشاشــات
كمبـو، بـــدل خيـم ساوينو في بنايـات
لا حـي لا فريـــق لا عرشـــن غيمات
لا ضــــل لا نهـــر لا عيـد ولا لمات
**
**
سب من هـــادي عيشه وسب بلاد الغير
ما بعــدك وطن يا وطـــني فيك الخير
يااب نيلين سـلام ، بوب ـ يا مـلاذ الطير
من نوبـه وعـرب وادروب وفـور ونوير
**
تبـــــرا من الجـروح يا نسجة الرحمن
سواك من خيــوط ألسن عفـاف ، والوان
كــاكاو باللبن ـ وللا العسـل في جران
يا جــوقة نشيد بي جمــلة الألحــان
**
تسلمي لينـــــا لا مقطـــوعه لا ممنـوعه
يا فاكهـــة بلاد الله الجميع مجمـــــــوعه
طول النيل وعرض الضفتيـــــن مـزروعه
ما ناقصـــك سوى رايـــة ســلام مرفوعه
**
إيمـــــانك قديم بي كل دين بتصــلي
وفي وادي الشـــــعر بي كل لسان تتجلي
يا
ذات الغنــــــا وذات الدعاش والطلي
ليك مليون سلام بالميل يعـــــم بالملي

sameeha bashir

sameeha bashir

طيب يا سميه والعندو ضغط و ما ليهو في القهوه يتفرج ويمرق ولا يعمل شنو

66مساااااااااادير,,,,,,,,,,,,كل يوم مسدار ونمة - صفحة 3 Empty جيتكم تاني الإثنين أكتوبر 25, 2010 4:36 pm

جندي ود الزين

جندي ود الزين




الدرعة العقيدك من ندايدو اتعطل
وهجينك دوَر الرزمى السحابو اتكتل
جديع النميم الفوق رفايقو مفتل
على العاجبنى زوقك يا المشيك مرتل


somia

somia

نجيب ليهو شاى ياسموح نحن ماعندنا زول يدخل ويمرق من غير مانضيفو
افو

ود الحبوب

ود الحبوب

حفيرات السنط جيتن تعوم بي التنية
ناطع الشمعدانة عديلة مي منحنية
درعات العطا الكبد العسين منتنية
مي لافحاك يا تيس قنة بيك معتنية

ناطح وليس ناطع وناطح تعني قاصد
بريبة العفا ولبس درعات العطا : والبريبة بضم الباء وتشديد الياءوهي الصيدة والعفا الأرض الطيبة ويقصد البطانه والدليل أن كلمة البريبة مفرده وكلمة منتنيه ومي لافخاك تقال للمفرد
لافخاك وليس لافحاك واللفخك هنا تعني الإهمال

ايدين اب تبوب شقيت وعرهن خاتر والصحيح ايدين اب تبوب جيت شاق وعرهن خاتر

وهذا لإثراء روح النقد في الخيمه

ود الصديق

ود الصديق

يا سميحه يلا (كرطعي) شاييك ده وأدينا حاجه.. Smile Smile Smile

في كثير من الاحيان لا تحتاج جِمال شعراء المسادير إلى التذكير بما ستجده من عناية عند ديار المحبوبة ، فهي لا تحتاج إلى من يحثها على السير إذ انها تتحرك بإيعاز داخلي ، فديار المحبوبة هي المرتع والمرعى الخصيب. ويصور شاعر " مسدار رفاعة " تلك الصورة تصويراً بارعا حين ما يحكي عن حال بعيره قائلاً :





ضهـر قلعة مبـارك جيتــو تلعب شد
منعت اللســَّة* والكُرباج وقولة " هد "*
علــى التالاك إحســان رزقو ما بِنْعد
يومك كُلـّو تمصع ما انلحــق اليك حد

sameeha bashir

sameeha bashir

يا اخر العزاز الراحو من بيناتنا
خبر مو سمح جزعنا هزا سباتنا
الدنيا العبوس صرت وشيشا وجاتنا

تصدق كبايه الشاي زكرتني ده بس لكن في زول لو جا بي جاي حيكمل الناقص انا متاكده استنو شويه كده

somia

somia

خلاص هاك الحاجة الباردة دى وتمى الباقى

somia

somia

مسدار للنطاسى البارع صاحب القلم الذهبى والمفردة الانيقة جداً وصاحب الالوان الحسين بن خوجلى المسدار نصيحة للشاعر ود دوقة:
ياوددوقة اخوى احسن تراقب المولى
واحدين ودعوا وواحدين لسانن ذل
وواحدين بالخنوع عايشين نفاق ومذلة
بس عزة خليل من توبا مابتتخلى

73مساااااااااادير,,,,,,,,,,,,كل يوم مسدار ونمة - صفحة 3 Empty مسدار صباحي الثلاثاء أكتوبر 26, 2010 11:11 pm

جندي ود الزين

جندي ود الزين



نص
اظنها
في طوف مطاليق العشق
ورتني اخر جنها
فكت مغاليق السحر
كيتاً علي بي فنها
وانا منها
مهما تعاكسني الدروب
اسأل دوام كيفنها
البت مدرفنة بالعطر
كل الطيوب حابنها
جلسن بنيات المطر
سمح الكلام حجنها
وشك سمح ، نضمك سمح
قالن لها
هبشن ضفيرات الشعر
فلنها
وانا منها
جلبت مطاليق العشق
ورتني اخر جنها




somia

somia

سرجك دللو وملصو القلايد منك
وسيدك قيدو شك وإت للمزاد مارقنك
الخلاك بالهاري السنين سالبنك
طال شوقك على العبكن جلادن وجنك
[b]
[b]

وصال مالك



الليله أم هلال أمست سراتك تاره
وأسيادك جواميس الردف والداره
إن حرن صناديداً نقابل الحاره
وإن بردن نكافيبن سوالف الساره

الرجوع الى أعلى الصفحة  رسالة [صفحة 3 من اصل 6]

انتقل الى الصفحة : الصفحة السابقة  1, 2, 3, 4, 5, 6  الصفحة التالية

صلاحيات هذا المنتدى:
لاتستطيع الرد على المواضيع في هذا المنتدى