طيبة الشيخ القرشي ودالزين
منتديات طيبة الشيخ القرشي ترحب بكم
نرجو التسجيل ايها الزائرالكريم ... انت غير مسجل
وخاصة ابناء طيبة الشيخ القرشي
nets

منتديات طيبه الشيخ القرشي ودالزين


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

مساااااااااادير,,,,,,,,,,,,كل يوم مسدار ونمة

انتقل الى الصفحة : الصفحة السابقة  1, 2, 3, 4, 5, 6  الصفحة التالية

استعرض الموضوع السابق استعرض الموضوع التالي اذهب الى الأسفل  رسالة [صفحة 2 من اصل 6]

26 مسدار اليوم في الإثنين أكتوبر 04, 2010 12:44 am

وصال مالك


كترو لينا من المسادير والنمات خلاص ملينا اللغه العصريه احسن نقيل كل يوم فى راكوبة عضو نشرب فنجان قهوه ولازم يكرمنا بمسدار
انا التوب البهيج الباهى زيقو
انا فرج العيال وكتين يضيقو
انا الدابى ان لبد للزول يعيقو
وانا المامون على بنوت فريقو
وكمان مسدار
ان مال الشدر مابتكسرن فراعو
وفمحان للطلب للمابجيبو ضراعو
ليه يااهلنا للبيناتنا مابتراعو
القال راسى يوجعنى يربطولو كراعو

27 رد: مساااااااااادير,,,,,,,,,,,,كل يوم مسدار ونمة في الإثنين أكتوبر 04, 2010 8:33 am

somia

avatar
مرحب بيك الاخت وصال فى راكوبتنا وهمبريبنا الحلو دة وبنتمنى إنك تتواصلى معانا بى نمك ومساديرك

28 رد: مساااااااااادير,,,,,,,,,,,,كل يوم مسدار ونمة في الإثنين أكتوبر 04, 2010 8:54 am

somia

avatar
مواصلين فى درقة الرغوة
خيرك مابيدوم ياالبهرج الغشاشة
يا مطر المنية الديمة سابقة رشاشة
كم قصراً جميل انواره تضوى بشاشة
دمرتيه اصبح فاقد المقشاشة

29 رد: مساااااااااادير,,,,,,,,,,,,كل يوم مسدار ونمة في الإثنين أكتوبر 04, 2010 2:34 pm

ود الحبوب

avatar
اللخَـــــــدَر عَـنَانِيف الـجَـــــــري الـنُّدَّارْ
جَنْ جَارْيَاتْ ورَاكْ دَايْرَاتْ خَلاسْ التَّارْ
وَكْتَينْ جَرَنْ وَصَلَنْ مِيسْ العِنَـــــادْ الحَـارْ
جِيتْ وَشَّكْ خَلاَ وضَهَرَكْ وَرَاهُــــو كُتَارْ

30 رد: مساااااااااادير,,,,,,,,,,,,كل يوم مسدار ونمة في الإثنين أكتوبر 04, 2010 2:36 pm

ود الحبوب

avatar
قَالْ لَيَّ الجَمَلْ يَا سِيدِى أَرْخِي رِسَينِي
وانَا عَارْفَ الطَرِيقْ باللهِ مَا تْوَصِيـــــنِي
لَيْ أُمْ زَينْ الحَبِيبَه لَيكْ بَصَلْ في حِينِي
وإنْ بَطَّلتَ بُكْرَه السُوق عَصُر وَدِينِي

31 رد: مساااااااااادير,,,,,,,,,,,,كل يوم مسدار ونمة في الثلاثاء أكتوبر 05, 2010 12:48 am

وصال مالك


شكرا ليك ياسمسم على الترحاب وليك السبق فى بناء اول راكوبه للنم والمسادير وراكوبتك زينه وقهوتها محوقه ومساديرك مولعه.. تحياتى..

32 رد: مساااااااااادير,,,,,,,,,,,,كل يوم مسدار ونمة في الثلاثاء أكتوبر 05, 2010 1:35 am

ود الصديق

avatar
يا سلاااام عليكم, الراكوبه بقت عمرانه... يلا يا بت الفادني خلي جبنتك ظريفه وخفيفه و ادي وصال دي فنجانين تلاته..


تميل زينوبة زى البان يمين وشمال تودى الطوق
واخوان ام شلخ ينكبو جوه الداره
زى صقرا نزل من فوق
ضرب الصوت والركزة بيفرق الناس
عشان زينوبة ما بتحوق
وعاد تتحزم الجنيات وتتنظم تقيف في روق
وكل واحد يهز ضرعاتو والحجبات تزح لافوق
جفير الخوسة فايت الكوع
وسيرو مع العضل مطبوق
والطاقية تحت الحاجب المعقود
هدية أم زين وما مشرية من السوق

33 رد: مساااااااااادير,,,,,,,,,,,,كل يوم مسدار ونمة في الثلاثاء أكتوبر 05, 2010 1:45 am

ود الحبوب

avatar
انا جريت عنقريبى الهبابى
تحت الشجرة ام مسكا صابى
بدور اعاين واقعد فراجى
فى جمال المسدار وكلام البادى


عاد ما بخبروك و انت سيد الخبرة
معلوم يا الحبيب القصد والفكرة ؟
بالنضم البخلى جروح قلوبنا بتبري
نزّكر بلادنا وطيب جلوسنا الزكرى
يحن قلبى وامسح من عيونى العبرة
يا ود الكرام ..... نهديك سلام وموده
يا زولنا الظريف بين الحضور كالورده
انسابت حروفك ... عـسل لذيذ يا فـرده
وكلنا هنا أحـباب وحبل الوصال ممتده

34 رد: مساااااااااادير,,,,,,,,,,,,كل يوم مسدار ونمة في الثلاثاء أكتوبر 05, 2010 2:06 am

وصال مالك


واتفضل معانا ياود الصديق راكوبتنا مفروشه رمله ومرشوشه وقهوتنا بهبهانا
وده مسدارنا
واحدين فى البيوت بى ديك جداد رضوهن
واحدين بالخلاء والفيافى نفوهن
بلد الانجليزعقبنو ماشافوهن
وقفن زومه ياطه العليقات جوهن

35 رد: مساااااااااادير,,,,,,,,,,,,كل يوم مسدار ونمة في الثلاثاء أكتوبر 05, 2010 8:08 am

somia

avatar
عمارك لى خراب والفرحة فيك لى كربة
إسمك من الست الفانيه دار الغربة
اولك المعيشة جرى وتعب فى هربه
والتانية الامل والتالتة دفن التربة


كم حطمتى راجلاً فى مشيهو مشلق
صبحتيه بى حبل النكد متعلق
دربك لى البصابحك بى عجل بيزلق
ياصقر القبور الفوقنا ديمة محلق

36 رد: مساااااااااادير,,,,,,,,,,,,كل يوم مسدار ونمة في الأربعاء أكتوبر 06, 2010 10:24 am

somia

avatar
الليل الناس كلها مرتاحة مافى زول جا اخد ليهو إنتكاية فى الراكوبة

تعصرى على البريدك وتقربى تآنسيه
يترك طاعة الخالق يكون ناسيه
بى توب سحرك البعمى القلب تكسيه
يصبح محتضر فى تربته تمسيه
سورك مابتم تابعاه ديمة الفجعة
ظاهرك لينا سكر إلاطعمك وجعه
كم طفشتى مرتاح قلبو مابى البخعه
روحو تشابى وإنتى قطعتى خط الرجعه

37 رد: مساااااااااادير,,,,,,,,,,,,كل يوم مسدار ونمة في الأربعاء أكتوبر 06, 2010 10:31 am

somia

avatar
الليل الناس كلها مرتاحة مافى زول جا اخد ليهو إنتكاية فى الراكوبة

تعصرى على البريدك وتقربى تآنسيه
يترك طاعة الخالق يكون ناسيه
بى توب سحرك البعمى القلب تكسيه
يصبح محتضر فى تربته تمسيه
سرورك مابتم تابعاه ديمة الفجعة
ظاهرك لينا سكر إلاطعمك وجعه
كم طفشتى مرتاح قلبو مابى البخعه
روحو تشابى وإنتى قطعتى خط الرجعه

38 من ود ضحوية لي طه في الخميس أكتوبر 07, 2010 12:52 am

جندي ود الزين

avatar
ود ضحوية:

يا طه

الخبر الأكيد الليلة جابو الياهو
و قال ست البنات إيميلنا مي طارياهو
ست القوام، هاردوير نظامو براهو
غرامك فايروس الهجعة البقرض الجاهوِ


ود الصديق

avatar
نم الحاردلو:

أعْضاي انْشَوَتْ والارْضْ بِقَتْ مَلاله
وعُمري بَلا لماكْ قط ما بَشُوفْ لو طَلاله
(فلانه) كان حَكَمَتْ عَلَيْ بي لالـه
رَضْيَانْ إن بقيتْ ودُّوني لي الشَيَّالَه

ود الحبوب

avatar
أها بنـات الفريق جاكم كلام
أخوان الرجال معاكم سلام
الحرف والزود من الاعماق وئـام
ياخيمة تجمع كل الأحبة كرام
بهطل وارف زان واستقـام
ليكم المني والدعوات سلام

somia

avatar
شمس حسنك مخنقة مابيدوم إشراقه
يالعبة شليل عضم اب قبيح براقه
كم لى الليهو منزل فى جنان وراقه
خنتى اسيادو هجو ولجو ياالفراقه

ود الصديق

avatar
قـــــــال في الصيد:


قدمت من هنا مبى ضانها سمعت كره

فوق كارتوت شخيتيرا تخين خره

قلاتو الوهاط بى لشغه قبلو محره

يا باسط النعم تسقيها فى ها المره

somia

avatar
فيك الحى يأمل والفرح يبداله
ترقصى ليه ببشر يفتكر رايداله
لى الشبال يميل ترميه يااللابداله
تتنى رقبتو ياالخاربه وتكوسى بداله

44 رد: مساااااااااادير,,,,,,,,,,,,كل يوم مسدار ونمة في الإثنين أكتوبر 11, 2010 12:28 am

ود الصديق

avatar
يقول الحاردلو في الشجاعه والكرم:



ما أكل حلو بيتو والمعاه جيعان

وما لبس الرفيع والمعاه عريان

مامون السجايا اليستودع النسوان

ضباح الخلايا عشا الضيفان

45 قلنا نتعلم معاكم جنس النضمي دة. في الإثنين أكتوبر 11, 2010 12:46 am

fatima argala


مسدار القشاش:
يالزام تقايلي وفوكا يوت متسدر[
مخبور آبتعايفني ان أجيك مجدر
الدود آ بيبقى ضبعة والوريل مابلدر
تجي في القسمة يابسة ومن نداك تخدر.

46 ود الرضى في الإثنين أكتوبر 11, 2010 2:10 am

وصال مالك


عندما سمع الحاردلو بظهور شاعر مسادير اسمه ودالرضى ارسل لهمرابيع مسدار ليشرحها له ويعرف معانيها حتى يعترف به وهى
سبسب وانقلد فى ليالى الصيف******* لاموج لابحر لاشتاء لاصيف
زولا واحدحريف ولطيف ******* الملائد العشره حراتو يعمل كيف
فرد عليه ود الرضى وقبل التحدى
شعرك بعرفو لكن معاهو غتاته ***** وشعر البنات مابوصفوه بحراته
السبسب وانقلدديس المبروعه من اماته**** والملايد العشره اصابع المشاطه
وقيل ان الحاردلو اعجب به وبشرحه لمرابيعه

47 رد: مساااااااااادير,,,,,,,,,,,,كل يوم مسدار ونمة في الإثنين أكتوبر 11, 2010 2:31 am

ود الصديق

avatar
مشاركه جميله يا وصال...

48 رد: مساااااااااادير,,,,,,,,,,,,كل يوم مسدار ونمة في الإثنين أكتوبر 11, 2010 8:02 am

somia

avatar
شكراً وصال على الكلام الحلو دة

49 رد: مساااااااااادير,,,,,,,,,,,,كل يوم مسدار ونمة في الإثنين أكتوبر 11, 2010 8:04 am

somia

avatar
اوصيك نفسى اوصيك (الحيا ومافيها
شق ودالأحد بيت الشبر صافيها
لى متين تقنعى ونار الضلال تطفيها
تمسكى سكة الشافوها حاجة تفيها

50 رد: مساااااااااادير,,,,,,,,,,,,كل يوم مسدار ونمة في الثلاثاء أكتوبر 12, 2010 4:04 am

ود الصديق

avatar
قال في الشجاعه:




قلبك بولاد من حديد
و فرقك من الفرسان بعيد
شوفة الدغم عندية عيد
العقبى لى عرسك الجديد

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 2 من اصل 6]

انتقل الى الصفحة : الصفحة السابقة  1, 2, 3, 4, 5, 6  الصفحة التالية

صلاحيات هذا المنتدى:
لاتستطيع الرد على المواضيع في هذا المنتدى