طيبة الشيخ القرشي ودالزين
منتديات طيبة الشيخ القرشي ترحب بكم
نرجو التسجيل ايها الزائرالكريم ... انت غير مسجل
وخاصة ابناء طيبة الشيخ القرشي
nets

انضم إلى المنتدى ، فالأمر سريع وسهل

طيبة الشيخ القرشي ودالزين
منتديات طيبة الشيخ القرشي ترحب بكم
نرجو التسجيل ايها الزائرالكريم ... انت غير مسجل
وخاصة ابناء طيبة الشيخ القرشي
nets
طيبة الشيخ القرشي ودالزين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات طيبه الشيخ القرشي ودالزين


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

مساااااااااادير,,,,,,,,,,,,كل يوم مسدار ونمة

+14
zoooba
حافظ محمد الامين
ابو فارس
اسماعيل محمد عمر عثمان
sameeha bashir
froco
fatima argala
وصال مالك
mohammed abusabah
ود الحبوب
حاتم عرقله
جندي ود الزين
ود الصديق
somia
18 مشترك

انتقل الى الصفحة : الصفحة السابقة  1, 2, 3, 4, 5, 6  الصفحة التالية

اذهب الى الأسفل  رسالة [صفحة 4 من اصل 6]

اسماعيل محمد عمر عثمان

اسماعيل محمد عمر عثمان

sameeha bashir كتب:يا اخر العزاز الراحو من بيناتنا
خبر مو سمح جزعنا هزا سباتنا
الدنيا العبوس صرت وشيشا وجاتنا

تصدق كبايه الشاي زكرتني ده بس لكن في زول لو جا بي جاي حيكمل الناقص انا متاكده استنو شويه كده


يا اخر العزاز الراحو من بيناتنا
خبرا مو سمح لوعنا هزا سباتنا ..
الدنيا العبوس صرة وشيها وجاتنا ..
ياعينة الخريف الراشه فوق ساحاتنا يانفس الدقش البصحي نار هماتنا..

somia

somia

إنت يااسماعيل لما اصلك محل ثقة والمبدى كلو بتمو مالك بتتغاتت علينا ماتجى تجدع ولا تجيب الحجار ساى إنشاالله

somia

somia

خلاص حل الخريف وإتلامعن براقو
الخير إنبهل والكون ظهر إشراقو
الحق مابضيع مهمالبدسراقو
والشرالدخيل بنسل من طقاقو
[b]
[b]

اسماعيل محمد عمر عثمان

اسماعيل محمد عمر عثمان

من شعر الهمباته؟؟


قطعنا المتباري وبنادقنا
عبيناهن وكم ابلا سمان
في بطونا ضايرناهن

ود الصديق

ود الصديق

البركه في سميحه الجابتك هنا يا سمعه.. لكن عليك الله قول ليها (أدعكي) معانا شويه...

أنا الليله ما عندي مسدار...

ود الحبوب

ود الحبوب

عهدنا معاك كنداب حربة ما بيتشلَّخ

صُرة عين جبل ملوية ما بتتفلَّخ

كان إيدينا من القبضة فيك تتملَّخ

السما ينتكي وجلد النمل يتسلَّخ

somia

somia

العجمية من بحر المحيط إنجرت
ودورين السيول مانعة النعم ماضرت
بطانة اب سن طوت توب الحزن وإنسرت
وألبل حاشن الكترة وعجوفن درت


العجمية تعنى السحابة ذات الرعد

somia

somia

رغم انى ماعندى كتير معرفة بالرياضة لكن عجبنى مسدار بشرى دة
دةالليله الهلال داخل تحدى جديد وعركيب الملاعب عندهن يوم عيد
فى دارو الصفاقسى بتنو ليهو القيد وابشرو بالنصر وكت البرنس شديد

ود الصديق

ود الصديق

ان شاء الله في المره الجايه يا سميه... بس دعواتك معانا عليك الله, باقي الهلال ده بنريدو بالحيل...

هاكم:




أخبــار ذِكْركْ الفي خسوســي
وصلن عندي محفوظات بقن في الدوســي
القت سيف برنجو* ومحددنــــــو لبوســي
خلن قلبـي يلعب زي نتيجة السوسـي

اسماعيل محمد عمر عثمان

اسماعيل محمد عمر عثمان

عنــــاق الاريل المسدارهـــــــــا جَبــرة‎

تحدِّثنــــي‎ ‎حديثـــــــاً كُلــــــــّوْ عَبـــــرة‎

أنا إن جَنَّيـــــت قط ما‎ ‎ظنَّـــــي بَبْــــــره‎ ..

ود الصديق

ود الصديق

وجهك دايرة الـمِن غيمو يطلع فاسخ

ويقْصَر منّو تأويل الكلام الراسخ

شِن خلاني كل الطاعم أوجدو ماسخ

براَ الحاجبيهو صادات «إبن مقلة» الناسخ

ود الصديق

ود الصديق

دَنَّــاىْ القَفـَارات*ْ البِعرْف العوم
نَقضـتَ عليقْتُو بَاكرْْ بيهو قَصْدي شَيوم*
كـان سَهَّل علينـا الواحد القيُّـــوم
بَشوف بُوْ الكـافي قاعِد ومِنْ وسِطْ مقسوم


القفارات : السهول ، الشيوم : الرحلة إلى ديار المحبوبة

وصال مالك




ماني دغور بيوت بعقب أحل الصره
ساوي ضراعي مابتبن الجارات أخون الحره
لي الفارس العنود ومشره
بازل مالي لي القاصدني قاعد بره

اسماعيل محمد عمر عثمان

اسماعيل محمد عمر عثمان

[size=21]الضحوى الرزم جاب الدليج من
غادى


فايضاً غرق العقدة ومطيمر الهادى


اسقى البحرى من ليلو وبنات الوادى


يمشى كسيدة لاعند العلو المسادى

..................................

الضحوى: الأمطار التى تنزل فى وقت الضحى


رزم: أرعد

الدليج: اسم وادى زراعى

المطيمر: المكان الذى يدفن فيه

الذرة وهو تصغير لكلمة مطمر
البحرى: اسم وادى زراعى


كسيدة: يسير ماؤه مستويا لا ينحرف عن طريقه


العلو: الأرض المرتفعة


العقدة: مجموعة من الأشجار


تنبت سويا فى مكان واحد
وطن
[/size]

ابو فارس

ابو فارس

مسدار خاص من مصطفي ودهجاي
في الشيخ القرشي
قال فيهو
ود الزين ابوي رئيس المحكمة الما فيها ظبطية
راس مالو الصدق وبضاعتو الالفية
ود الزين ابوي عريس البيرقن مفرود
كنجيهن ضرب صرفوا ليهن البارود
المتنيات جن لقن الطريق مسدود

91مساااااااااادير,,,,,,,,,,,,كل يوم مسدار ونمة - صفحة 4 Empty شكر لى ابكريق ولد زينوبة الإثنين نوفمبر 08, 2010 6:02 am

حافظ محمد الامين



انا المن تبيت بعرف الجيهة

لا انكريت بى قرش لا تعريفة

ان اخو التحلب شاتا ومضارا وشيها

انا اخو التعرف عزها حاضرا وماضيها


ان قلت السيوف ياها سعاتنا
وان قلت القتال بنشبعن صقارنا


نخمج ما بنضارى سواتنا

واقفين نخل نموت فى سماتنا

وده العز الوارثنو مما قمنا



اخوك يا التاتا واخوك يا سمية ..

فى شان عزكن الواحد يقاتل المية

وده كلام ما قلناهو فى ونسة ولا عصرية

الداير يجرب .. اترجل ويمرق ليا


افو ..
انا ابوك يالشيماء

somia

somia

ابشر بالخير ياابو الشيماء ياخى انت وين من زمان متدسى من الراكوبة دى طيب إنت ماال
live ذاااتو

93مساااااااااادير,,,,,,,,,,,,كل يوم مسدار ونمة - صفحة 4 Empty رد مستعجل الإثنين نوفمبر 08, 2010 1:12 pm

ابو فارس

ابو فارس

جيتك مارق من حبال العز
ود زينوبة وبعلها الكلمتو للرجال بتهز
اخو اخوانا نجاض بالحيل
وكت الامر يصب علي الباقين بيعدلو الميل
وفي طيبة عزي واهلي وداري
وانا وقت الكلام يحر ماني الضعيف وبداري
حفيد بت ود عوض الكريم وود الامين الجدو ابشام
مامن ضهر البيوت دخلتنا بنخش بنجيها من قدام
انا ابو فارس
لي قدام انشاء الله وليدي شانو كبير
لسودانا يعمر كمان ويذيدو الخير

ياسمية راكوبتك سمحة وزينا
يلا من نظمك كبي ريقينا
ويا احمد لخ مونتك مسادير وابني لينا


مع محبتي لكم






94مساااااااااادير,,,,,,,,,,,,كل يوم مسدار ونمة - صفحة 4 Empty مرضان هواك الإثنين نوفمبر 08, 2010 8:50 pm

حافظ محمد الامين



مرضان هواك


الليلة البلوم طربان يقوقى ويصيّح
والعاشق ينوح لامن صباحو يبيّح
عناب الحجاز فدّع غصونو بميّح
ترا الحارق حشانا ولى قلوبنا مسيّح

يا قميرية نغمات الغارم زيديهن
وسوى القوق ونماتك عقب رديهن
على بهم النديمات القفر واديهن
ليهو سلامى والشوق يا أم جناح وديهن

انزلى فوق فريع قبل الفريق يا نايحة
كترى في الطنين متل الحوارة الرايحة
مربوعة بنات لينة ورطيبة ومايحة
قوليلا السلام ليك يا أم ضفيرة سايحة

قوليلا العشوق تعبان اذاهو مطوّل
يات من شافو اصبح في العليه متهوّل
عشان عينيك مبارى البى القفار متجوّل
لاكين لى الممات من عهدو مو متحول

كل ما شاف برق في القبلة يشلع وجّة
يتقافى المنام من عينو ياخد لجّة
نيران الجحيم ليهو في الفراش منفجة
دكتور الغارم مع اهلو عامل حجّة

قال مرضان هواك لى شفاهو مافى طريقة
في كبدو الحراب في جوفو باقة حريقة
قط ما ليه علاج من غير يقرطع ريقا
والا يمددوهو ويمسحوه بى عريقا

95مساااااااااادير,,,,,,,,,,,,كل يوم مسدار ونمة - صفحة 4 Empty -------- الثلاثاء نوفمبر 09, 2010 2:05 am

حافظ محمد الامين





متاوقة ساااااى والله

96مساااااااااادير,,,,,,,,,,,,كل يوم مسدار ونمة - صفحة 4 Empty هييييييع... جاكم!!! الثلاثاء نوفمبر 09, 2010 2:38 am

ود الصديق

ود الصديق

يا أبو الشيماء المتلك ما بتاوق ويمرق وما نسمعلو حس لا حركه
المتلك بفرشولو البيت ويناولوه البكري وكمان البركـــــــه

أها هاكم:

سيتْ لُوْ مقيلُو بي البَاكْرِيّة في الضَقَّال*
خَدْ لي هَجْسَة قُمُ فَاقْد السَحى* المَاقـَالْ
اليَبــَّس سراة السُرْعُـوْ ما هُوْ تْقَـالْ
لطيفْ قَامَة ادعَجْ واكُحَلْ الامْقـَالْ



الضقال : جمع ضقل وهو القطعة من جذع الشجر الجاف . السحي : الخجول

97مساااااااااادير,,,,,,,,,,,,كل يوم مسدار ونمة - صفحة 4 Empty قباااااانى الخميس نوفمبر 11, 2010 5:38 am

zoooba



نزار قبانى


:سأقول في التحقيق..


اني قد عرفت القاتلين..
بلقيس..يافرسي الجميلة..إنني من كل تاريخي خجول
هذي بلاد يقتلون بها الخيول..
سأقول في التحقيق:
كيف أميرتي اغتصبت..
وكيف تقاسموا الشعر الذي يجري كأنهار الذهب
سأقول كيف استنزفوا دمها..
وكيف استملكوا فمها..فما تركوا به وردا
ولا تركوا به عنبا..
هل موت بلقيس..هو النصر الوحيد في تاريخ كل العرب؟



عدل سابقا من قبل zoooba في الخميس نوفمبر 11, 2010 6:34 am عدل 1 مرات

98مساااااااااادير,,,,,,,,,,,,كل يوم مسدار ونمة - صفحة 4 Empty اختبار جهاز الخميس نوفمبر 11, 2010 5:50 am

zoooba



اختبار جهاز



عدل سابقا من قبل zoooba في الخميس نوفمبر 11, 2010 6:26 am عدل 3 مرات (السبب : تعديل)

99مساااااااااادير,,,,,,,,,,,,كل يوم مسدار ونمة - صفحة 4 Empty عيييدية عيييديةعيييدية الخميس نوفمبر 11, 2010 6:08 am

حافظ محمد الامين





عيييدية عيييدية عييدية


احلى ما قراته


احلى ما قراته فى حياتى من تصوير شعرى بديع فى الوصف التعبيرى عن حال الشاعر ودبادى فريد فى كل شى وهو مدرسة ان لن اتخرج منها ابدا رغم انها اوصدت بلا تجديد ... والجديد فيها هو انك كلما قرات لاستاذها وتعيد تجد فى سطوره احساس غير الاول حتى وان قرلت النص مائة مرة .... كدى حاولو بس اقروا بى مهلة .....

ولا ما كدى يا جندى ود الزين


وهاااااااكم دى هدية العيد .... من ود بادى

----------------------------------------------------

بعد عشرين حسبتها يابا يوم فوق يوم وعام فوق عام
حنينكم طش فى طشيش
ويا مالقيت تملى الحنين جمام
اتلفحت شال الشوق احادى الراحلة لا قدام
كسحت شمال وحس طنبوركم الولوال نحاس ابواتكم الرزام
صليلن يصحى فى الشوق اذا ما نسم النسام
نزلت قرير اهالى الشان يعشو الضيف بخيلن فنجرى وعزام
كرفت الطينة ارث الفات
وما كفانى الا بركت فوق الدار واتنسمت من السام
شرفت على رمال القوز
واترحمت على حرزا هناك مركوز
على راسم سريع النهمة كان ودتوم وكان فى الماضى مو نوام
ردفت الصيحة فوق الصيحة واتحزمت ابكى رجال
بكيتَ سيوفن المدروعة فى الحيطان
وزى ما هم رقادن طال رقادن طال
بكيت فرواتن المفروشه للجهال
ويا ما قال ويا ما قال ويا ما عرض الصهال
نشدت الفى الضريح راقدين عليكم الله يا خالدين
عليكم عزتن كانت زمن زينكم
ودنياكم لبن معسول وتشربوا فيها بى هينكم
جدى سعيد ولد بادى العكودابى دحين يا ابواتى كان بينكم؟
قالوا اتربى فوق خيلكم ويوم الحارة شايل شيلتو من شيلكم
وقالوا الهيلو، كانت في العرف، هيلكم
يخالطكم قداحة الخير ويتحزم وكت شينكم
قالوا أماتو مو دابن
عقاب التيه ما بهابن
حناضل المره شرّابن
وشكاراتو سمعن قولى قالن سى بدن شكرو
وقالن لى يمين ما قلت فى جدك كلام قدرو
وكل القلتو فيه قليل وما قارب عشر عشرو
الصهالة والوقالة والرقالة وام غره هو ركابن
الجهنية والقطنية والمحوية وام درة الباريها حلابن
العشاية والشاشاية والسباية وام ضرة لى ضيفانو بسخابن
المزروعة والمقروعة والمفدوعة لا برة متمسح ديمة قيسابن
المفزوعة والمقلوعة والممنوعة بالمرة كان من مافى جيابن
راكب الفصلوا انسابن ودايما قدمو فى ركابن
اسود الغابة غلابن وبعرف يكسر انيابن
حلفوا الشافوا قدحو الحار وشافو كتار وماهو كضب
قالوا وساعو مركب زان يشيل اطنان وخرسو هلب
جفير سكينو دمو ينز وداك برادو واسكت كب
اهل السايحة والمتراوحة خاتمة وعاقبة بى قدامو سوا درب
ده ماهو كتير على ولدا مربى على ضفاف النيل
ويوم ولدوه دفنو ابواتو صرتو فوف مراقد الخيل
عكود الكان بعبر الكيل
جاتو الدنيا هينة ولينة بالخيرات مشيلة شيل
سواقى تسوق تلوت الليل
ونخلوا متنى شايل العجوة والقنديل
عيوشو مصوبرات كيمان
وعيش الريف ولد تيمان وخاتى البودة والعسيل
ده شيتا كم دقون شافنو
بين شفقة وحرص عبدنو
والعقال لعابن يسيل
الا سعيد الطلق الزايلة وخطب بى مالو دارا خالدة كان عزام وباعو طويل
بساطو الاحمدى المحضور
غدا وعشيات ملاقية فطور
وديمة ضيوفو ديل فوق ديل
يختف من مطايب الدكة لى ضيفانو مو ضباح حميل وسخيل
طحاناتو ما نامن
جبال اللقمة كم عامن
فوق سمنا مصفى تقيل
ويومو الودع الحبان
ونورو الضاو تحت التراب ما بان
كان الفقد فيهو كبير
وكان اليوم ده ما خاتنو فى الحسبان
وكان ميراثو كل ميراثو
قدحا ناز وسيف فولاذ وفروة ناس اصال وعزاز
وسبحة ملانة يا حنان ويا منان
قبل العم وقبل الخال بكوا العدام ..
بكوا الايتام
بكى الكرم الصبح
مشلول وكل ابواتو راحو وغابو فى الرهبان
ونحن عشنا لا زمناً
قبل ما يبنوا فيه البيت يكوسو الطبلة والجنزيز مع البيبان
زمان الصالة والصالون
زمان الرغوة والبالون
حليل الكان
حليل الدانقة والديوان
حليل النافق اموالو وتدى يمينو وما تعرف حسابو شمال
خليك من يعرفوا فلان
ده كلو فضيلة فى الاجداد ابت ما تبقى فى الاحفاد
ومسكت فى النعوش الطاهرة واندفنت مع الجثمان
وكل مكارم العابرين معاهم راقدة فى شبرين
وبقت امجادنا كانوا زمان وكانوا زمان


هذه القصيدة تذكرنى دوما بى جدى رحمة الله عليه (عوض الكريم أبوسن)

اللهم اغفر له وانزله منزل الصديقين والشهداء . آآمين


//////// بالله عليك اكتب احساسك سرييييع ///////


[center]

somia

somia

والله احساس مابتوصف حنينى القلتو للزمن العجيييييييييب داك
عيديتك سمحة بالحيل ياابو الشيماء

الرجوع الى أعلى الصفحة  رسالة [صفحة 4 من اصل 6]

انتقل الى الصفحة : الصفحة السابقة  1, 2, 3, 4, 5, 6  الصفحة التالية

صلاحيات هذا المنتدى:
لاتستطيع الرد على المواضيع في هذا المنتدى