طيبة الشيخ القرشي ودالزين
منتديات طيبة الشيخ القرشي ترحب بكم
نرجو التسجيل ايها الزائرالكريم ... انت غير مسجل
وخاصة ابناء طيبة الشيخ القرشي
nets

منتديات طيبه الشيخ القرشي ودالزين


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

مساااااااااادير,,,,,,,,,,,,كل يوم مسدار ونمة

انتقل الى الصفحة : 1, 2, 3, 4, 5, 6  الصفحة التالية

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 6]

1 مساااااااااادير,,,,,,,,,,,,كل يوم مسدار ونمة في الثلاثاء سبتمبر 28, 2010 9:35 am

somia

avatar
عهد الروح مضى وسارت قوافلو المادة
وإستلم الزمان من بعدو عصر المادة
طبق فينا من قانونو ابشع مادة
تتقاذفنا تيارتو جاذرة ومادة

2 رد: مساااااااااادير,,,,,,,,,,,,كل يوم مسدار ونمة في الثلاثاء سبتمبر 28, 2010 9:42 am

ود الصديق

avatar
يا سلااااااااااام عليك يا سميه ياخي..
والله أنا بتكيف شديد للنوع ده من الأدب, يا ريت نخصص مكان للكلام ده...

3 رد: مساااااااااادير,,,,,,,,,,,,كل يوم مسدار ونمة في الثلاثاء سبتمبر 28, 2010 9:51 am

ود الصديق

avatar
شوفي ده قال شنو:


يا أب حسنا تمادى طامح بعيد غاياته
لوح لى نادى و اسلمنى كل راياته
يا قلبى المتيم سعدك دنت ساعاته
غيما فيك خيم أحيا القليب و مواته

4 رد: مساااااااااادير,,,,,,,,,,,,كل يوم مسدار ونمة في الثلاثاء سبتمبر 28, 2010 11:20 am

somia

avatar
والله ياريت نحول الطلب للإدارة
رغم إنو قلنا كل يوم مسدار لكن عشان زولك المؤمل دة شوف هنا القُنع كيف
إتغشينا بى حبك لبسنا عباية
ياموية الرهاب الماملت كباية
عجيب ياساخرة امرك إلا نحناغباية
عاشقين الجمال فى لمعة الحرباية


ونواصل يوماتى إنشالله لمن يرغب

5 مسدار اليوم... في الأربعاء سبتمبر 29, 2010 5:24 am

ود الصديق

avatar
أسمعوا ده:


أخوك سمتان محرق خاتي قولة لسه
عايش فرقة المن السحاب مندسه
قوقيت بالصقيع جنيت دخلت (العسه)
من نسمة هواده غايبه ما من هسه

6 الناس مقامات!!!!!! في الأربعاء سبتمبر 29, 2010 10:53 am

somia

avatar
العندو القرش الناس تعلى مقامو
حتى إن كضب يتصنتولو كلامو
والماسكو الفلس تتعوج القدامو
تتواتى الكديسة محل يودى حمامو

ود الصديق

avatar
هههههه عجيب والله.. أها أسمععوا الأصلي ده قال شنو:



نحن السود سواد الجن أسود الغاب
ونحن النار أكلنا حجاره مو ورتاب
نخمج الدم خمج نسعر نطجوا شراب
نحنن بيه شواربنا ونختو خضاب

8 ممكن اشارك في الخميس سبتمبر 30, 2010 1:43 am

جندي ود الزين

avatar

جديد وفريد

شديت البينتيوم و أصبح يبرطع جايط
و الإنترنت دقش قلبتو صايت صايت
علي أم شعراً حلال ما طولنو وسايط
و عطشان الغرام ما برونو2 كيلو بايت


حاتم عرقله

avatar
اولا مشكورررررين علي النافذة الحلوة بتاعت كل يوم مسدار ونمة ودوبيت
بالرغم من ان الكلام جد مرات ببقي صعب للفهم لا ننا جيل يستخدم من اللغة ماوجدناه متتداول في زمننا فقط
لو ممكن الشرح او اعطاء فكرة مبسطة للرباعي من الابيات او الجدعة المرسلة يعني قدر البوفق عليهو ربنا ولا توضحو لينا الرباعيه دي في المدح - الجود - الزم - النفير - يعني حسب ما ترمو مشهادكم ودا عشان الخيمة ماشة تزيد والمتداول والمعروف بيقل ويبدا لينا كلاما ماسمعناهو تب لا زمان ولا الان
وهاكم جدعة بابيــــات عكيـــر الدامـــر
بقول فى الدنيــــا

تبقــــالك عروس وتســــحرك بى رقيصــــــة

وتملاك بالمحبـــــة و تمشـــى نازلــة نقيصــــة

لا يغرك دلالة وثــوب جمــال بلقيســـــة

عايـــن للمقـــــابر و ارجــــع ســـماحتة قيســـــة

مشكورين كتيير رديتوا روحي الغابت مابين الانجليزي ولغة الطيران
Basketball ابو فارس Basketball

جندي ود الزين

avatar
جندي ود الزين كتب:
جديد وفريد

شديت البينتيوم و أصبح يبرطع جايط
و الإنترنت دقش قلبتو صايت صايت
علي أم شعراً حلال ما طولنو وسايط
و عطشان الغرام ما برونو2 كيلو بايت



داك كان لام طه الضرير

فرد علية ودضحوية

الفيك يا طه فايروس و الله الكريم الشافي.
و مفيدك طبيب حتي إن بقيت مكافي. (Mcafee)
غير لخلوخة الهرفة أم قليباً جافي
و أركز للتجيك يا طه أوبشن مافي

somia

avatar
ونحن النار أكلنا حجاره مو ورتاب
نخمج الدم خمج نسعر نطجوا شراب
نحنن بيه شواربنا ونختو خضاب

والله ياودالصديق زولك ناااااااار مولعة

somia

avatar
طه الضرير وود ضحوية ديل ماشاالله عاملين تواصل اجيال كويس ديل بنفعو مع ابوفارس عشان لغتم مفهومة نت وكدا

somia

avatar
والله ياابو فارس طلبك فيهو صعوبة شوية الواحد بفهم المسدار بس لما تجى للشرح حيقولو ليك وفسر الماء بعد جهد بالماء,عموماً نحاول نوضح انو بتكلم عن شنو , وعليك الله الحقنا بى جدعات عكير الدامر دى لو عندك منها كتير لانو كلامو حكم

14 نمتى الليلة في الخميس سبتمبر 30, 2010 10:27 am

somia

avatar
دى ممكن تكون فى محاسبة النفس
إتبعنا المجالس ودرنو قدرنا
وبقينا نمازح البسوانا والمو قدرنا
وكتين بالدراهم نشتريهو كدرنا
مافيش فايدة نشحن بالغبينة صدرنا

ود الحبوب

avatar
الليلة السحاب فوق البطانة منيِل
وولع جمرة القلب القبيل متحيل
طريت ست الصبا ال ما جالسوها العيٍل
جمالها يفوق على قدر العقل مايخٍيل
*****
حرقوصك نتل جاب من هواك دعاش
خيم فوقك الليلى ومكاييل هــاش
اتعتم سماك أسقى الـ أكانوا عطاش
عربك تالتة ..واقفين..لابرش لافراش
*****
ركزن لك بروقك عكلن قيزانك
انهلن بشايرك واستعد عربانك
اتدلقن سحابك نع فوق وديانك
بى فرحة وطرب دقو الرباب عربانك
*****
أضحو مبسطين شاكرين كريما حى
سندوا الواقعة حلبوا وشربوا من النى
اتملى التبوب مصعن حمير الرى
قاموا يعافرو فى الشقق الرباطن نى
*****
أخدوا الهجسة لى الكيفة الشميشا ضحي
يات من كان حلف قال الكرامة علي
أم ريد لولـت القــلاى ,جميلة الزى
أرياح الـــدمك غمرن ربوع الحى

16 طــه في الجمعة أكتوبر 01, 2010 10:17 am

جندي ود الزين

avatar


طه:

إيميلك وصل زود علي الهم
و الفكر إنشغل الرام عليك و الروم
يا الصلاح جميع أنا و الحبيب نتلم
و يا ساكن الضريح سيدي الحسن ضوت كوم



mohammed abusabah

avatar
Admin
لزول المتل منقة بلدنا صفرتو

جافل منى ياخلاى قدر مادرتو

العاقل طبيب نفسو واخيرلو سترتو

ما يتهبش الحاجة ان بقت ما قدرتو

http://nets.ahlamontada.com

ود الحبوب

avatar
اقول مادام حبيبي وحب يتناساني مفيش فايده للبكا والنبيح يالساني انا فى حوجه لى فقرا وطبيب نفساني كونو غميدي قل ونومي ذى حسساني

mohammed abusabah

avatar
Admin
عهدنا معاك كنداب حربة ما بيتشلَّخ
صُرة عين جبل ملوية ما بتتفلَّخ
كان إيدينا من القبضة فيك تتملَّخ
السما ينتكي وجلد النمل يتسلَّخ

http://nets.ahlamontada.com

ود الصديق

avatar
هيييييييييييع والله خطير يا ود أبو صباح لكن كدي أسمعوا البكاي ده:


ست البنات يا أغلى من عيني
ممشوقة القوام يا الخاتيه من اللي
شعرك دبة الليل الما بتبلو تري
وثغرك فجة البرق للسحابه أم دي




من أغنية زورق الألحان للفنان محمد الأمين والشاعر يحيى فضل الله

21 درقة الرغوة في السبت أكتوبر 02, 2010 12:15 pm

somia

avatar
نورد قصيدة درقةالرغوة للشاعر الكبير عكير الدامر
وهى فى وصف الدنيا وحالهاويقول فى مطلعها:
كم دمرتى ناس ومساكن
كم ذليتى بعد العزة شامخ وساكن
كم صبحتى قلباً حى ومتلج وراكن
زكم صبحتى عمران ذى مبانى سواكن



عدل سابقا من قبل somia في السبت أكتوبر 02, 2010 12:16 pm عدل 1 مرات (السبب : نقص)

ود الحبوب

avatar
بت اللا زمان نطحت فيافى وصَي
يجادعن بالبغو قش البطانة الني
دغسات العيون الما بيرد الحى
لي ليمك شحد ربى ورفعت اٍيدي

******
مبسوطة البطانة وقاستا النقاعة
دار خبر الرحيل اتباشروبو جماعة
قاصداك اريل الفودة البضوى شعاعا
أحمت عينى تغمد عقربا اللطـاعة

23 ود ضحوية في الأحد أكتوبر 03, 2010 12:49 am

جندي ود الزين

avatar


ود ضحوية:

الليلة أم شلوخ لاقيتها عند الشات
و الفايروس ضرب قلبي و محا الفايلات
يوم شافني الفقير البكتب البخرات
قال الدفجمن ما بفيد أحسن تسو فورمات.


24 نواصل درقة الرغوة في الأحد أكتوبر 03, 2010 9:32 am

somia

avatar
الغنى فيك يوسع ولى الزيادة يكابس
فى اللين يخضر وقلبه طارى اليابس
بسراع تدى ضهرك ويبقى وجهك عابس
وحالاً ينقلب عريان بعد مو لابس

ود الصديق

avatar
كلامكم سمح والله..

الشمش خوخت بردن ليالي الحره
والبراق برق من منه جاب القره
شوف عيني الصقير بي جناحو كفت الفره
تلقاها أم خدود الليله مرقت بره

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 6]

انتقل الى الصفحة : 1, 2, 3, 4, 5, 6  الصفحة التالية

صلاحيات هذا المنتدى:
لاتستطيع الرد على المواضيع في هذا المنتدى