طيبة الشيخ القرشي ودالزين
منتديات طيبة الشيخ القرشي ترحب بكم
نرجو التسجيل ايها الزائرالكريم ... انت غير مسجل
وخاصة ابناء طيبة الشيخ القرشي
nets

منتديات طيبه الشيخ القرشي ودالزين


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

مساااااااااادير,,,,,,,,,,,,كل يوم مسدار ونمة

انتقل الى الصفحة : الصفحة السابقة  1, 2, 3, 4, 5, 6  الصفحة التالية

استعرض الموضوع السابق استعرض الموضوع التالي اذهب الى الأسفل  رسالة [صفحة 5 من اصل 6]

101 رد: مساااااااااادير,,,,,,,,,,,,كل يوم مسدار ونمة في الخميس نوفمبر 11, 2010 10:08 am

somia

avatar
zoooba كتب: نزار قبانى


:سأقول في التحقيق..


اني قد عرفت القاتلين..
بلقيس..يافرسي الجميلة..إنني من كل تاريخي خجول
هذي بلاد يقتلون بها الخيول..
سأقول في التحقيق:
كيف أميرتي اغتصبت..
وكيف تقاسموا الشعر الذي يجري كأنهار الذهب
سأقول كيف استنزفوا دمها..
وكيف استملكوا فمها..فما تركوا به وردا
ولا تركوا به عنبا..
هل موت بلقيس..هو النصر الوحيد في تاريخ كل العرب؟


حبااااااابك يازوبة وإنتى داخلة على الراكوبة

102 رد: مساااااااااادير,,,,,,,,,,,,كل يوم مسدار ونمة في الخميس نوفمبر 11, 2010 10:13 am

somia

avatar
ابو فارس كتب:جيتك مارق من حبال العز
ود زينوبة وبعلها الكلمتو للرجال بتهز
اخو اخوانا نجاض بالحيل
وكت الامر يصب علي الباقين بيعدلو الميل
وفي طيبة عزي واهلي وداري
وانا وقت الكلام يحر ماني الضعيف وبداري
حفيد بت ود عوض الكريم وود الامين الجدو ابشام
مامن ضهر البيوت دخلتنا بنخش بنجيها من قدام
انا ابو فارس
لي قدام انشاء الله وليدي شانو كبير
لسودانا يعمر كمان ويذيدو الخير

ياسمية راكوبتك سمحة وزينا
يلا من نظمك كبي ريقينا
ويا احمد لخ مونتك مسادير وابني لينا


مع محبتي لكم


هلا هلا يا ابو الفارس
إنشالله بركة مولاى ولدك يكون فى الحوبات فارس
ويقطّع لسنات فرتاقين المجالس
ومناى الشديد يبقى لى وطنو أئمن حارس




103 مزاج الجمعة في الجمعة نوفمبر 12, 2010 3:06 am

ابو فارس

avatar
جيتكم يا الحبايب عطشان بدور النم
في شدر السدار اتكل عشان انجم
نسام البلد الفيها المزاج بنتم
شوقاً للحبيب وكمان ولاد العم

104 مسدار الشوق في العيد في الجمعة نوفمبر 12, 2010 3:27 am

ابو فارس

avatar
مسدار الشوق في الجمعة للحلة و العيد

جيت طاري الجمعة فوق الحلة
وجيت طاري الونسة مع الرفاق والخلة
بعدت بي الدروب خلاس من ناس احضانون تذيدك قرب في الملة
سلام الجمعة في الجامع وعزومه تب ليها ما تمانع
جلسة لذيذة في ديوان
ولا مناسبة لأخوك في صيوان
تلاقي الكل هناك موجود
تقول تحلف تاني تب ماتعود
علا القدر يانفسي ما بالايد
مناك يتم واللمة تلفيها فوق العيد



وكل سنة وانتو طيبييييييييييييييين

Basketball ابو فارس Basketball

ابو فارس

avatar
يلا فاصل وزول يخش

اتمبلولولولولولولولولولولولولو

هع

اجدع يالخشيت

106 مسدار خاااااص للاخ نمر في الخميس نوفمبر 25, 2010 1:30 am

ابو فارس

avatar

بطراك والمواجع يوت مي غابة
بسأل عنك الطير والهبوب الهابة
رغم الفرقة والشوق والدموع الكابة
يبقى البينا عااامر والقلوب متحابة

ود الصديق

avatar

يجوني الناس يِعِجُّــو يقيفُو فوقي

شاكي الغَلبـة لاكين جَدَّ شوقــي

مِتِل جمل العَلـوق كُل حين أهَوقِي

108 مساااااادير في الأربعاء ديسمبر 01, 2010 2:04 am

مها مصطفي عبدالعظيم


معجبه جدا جدا جدااااا بكتاباتك يا سميه واتمني التعرف عليك شخصيا

109 رد: مساااااااااادير,,,,,,,,,,,,كل يوم مسدار ونمة في الأربعاء ديسمبر 01, 2010 5:24 am

somia

avatar
مها مصطفي عبدالعظيم كتب:معجبه جدا جدا جدااااا بكتاباتك يا سميه واتمني التعرف عليك شخصيا
تسسسسسسسسلمى يادكتورة مها ووالله شرفتى منتداكم كتيييييير وإنشاالله ربنا يلاقينى بيك ,وعلييييييييك الله ماتنقطعى

ممدوح

avatar
[center]زكرتي بالبنات لاعن مصوع فاحت ضايق غلبهن من شينتن بتاحت جديع ود عتن علي ما طاحت هبرت كفتي وعقب المطيرق راحت

ممدوح

avatar
الليله المطيرق في نعيم وسروره ات النوم عبدتو وماقريت ليك سوره ساعتين كان صبر ته كت تحظي بالبدوره سعدك اصلو داك مابجبر المكسوره[list][*][center][b]

ممدوح

avatar
غفوت عيني ديك من يومه ماها مريه واصبحت حالي متل الدخلوا الظبطيه اترجاك ياابوالتايه اول اسيه ماتواخز واكون في حاله غير مرضيه مسامح ياابو يوسف زلو في مئه كونك للدغس بتسمح ان بقي للمطيرق شيله جاب ليو حكيه مئ مسروقه لاكن فيها حكمه خفيه

ممدوح

avatar
نحنا ناسا بدو واجدانا كانو همباته ورحاله في فيافي الصي داجه خطانا وبنحب الارض الفسيحه مجاله علي صوت الفزع تصحينا بنكره الكسل والناس العطاله في راكوبه وسيعه ماهله نقيل ولابنعرف هول مكيف ولا صاله وبرغم الضيق شقاوه الحال قلوبنا راكزه بمعني الاصاله

somia

avatar
ياممدوح مالك قطعت مسدار المطيرق تم الباقى اها النديك منو مربع:-
الحاردلو
بعرفك وكت تقوم فى حجازة واجوادية
تبذل فيهاجهدك بى صفاوة نية
معلوم تصلح البطحانى والشكرية
لاكين المطيرق مابتجى غير دية

somia

avatar
قليعات الرزق اصبح تعولن ماطرة
ومحريبن طلق ريحة الفرير والباترة
إن امسيت تجيك امات مقالعاً قاطرة
تلقى العافية من غير بنسلين ودكاترة

somia

avatar
مابتخدر البسقوها بعد النشفه
وقت الروح تروح طعن الإبر مابيشفى
يارمز الوفا النادر غتا المنكشفه
فى المعدوده مابنفع دوا المستشفى
[b]

somia

avatar
الولد الركز فى الدارة غز عصاتو
ركازة قبيلة عشاى ضيوفاً باتو
وكان فتر الرفيق فى طريقو تب مافاتو
مابتبع الفارغة يقص لى دريبا
محمود الخصال حاشاهو خاتى العيبة
ماكاس الفريق ولاقوالة بجيبا

ود الصديق

avatar
أب عراق فتق قرنو المبادر شره
والباشندي عمت مهششيب الدره
من النقره كل حين فوق عليو منصره
ها الايام محاريها القليعة ام غره

Amjad Ibrahim

avatar
اقتراح ياسمية ...
انا بقترح اى واحد يكتب ابيات يدينا نبذه صغيرة عن ماتعنيه ..لأنه صراحة كده فى كلام صعب بالحيل ..ولأنه ناس أحمد صديق ديل بشفو من جريدة التيار ..ومرات بعملو copy -paste

ود الصديق

avatar
انت يا أمجد ما تقول ما فاهم الكلام ده ساي... الناس دي كلها فاهمه الكلام ده الا انت التقول (شهاده عربيه)... ولا ناس ايس كريم الأحسان ديل غيروا جلدك... بعدين أنا بعمل قص ولصق لكن فاهم الكلام البجيبو لكن انت اي حاجه غالباك حتى تنزيل الصور!!! هسه انت نزل لينا صوره وبعد داك نحن بنشرح ليك ولا جبنا ليك حاجات (قدرك)...

هاك ده:

يا لزّام تقايلي وفوكَّا يوت مُتسدِّر
مخبور آبتعايفني إن أجيكَ مجدِّر
الدّود آ بيبقى ضَبْعَة والوِرِيلْ ما بلدِّر
تجي في القسمة يابسة ومن نداكَ تخدِّر

121 رد: مساااااااااادير,,,,,,,,,,,,كل يوم مسدار ونمة في الثلاثاء يناير 18, 2011 10:19 pm

somia

avatar
Amjad Ibrahim كتب:اقتراح ياسمية ...
انا بقترح اى واحد يكتب ابيات يدينا نبذه صغيرة عن ماتعنيه ..لأنه صراحة كده فى كلام صعب بالحيل ..ولأنه ناس أحمد صديق ديل بشفو من جريدة التيار ..ومرات بعملو copy -paste


والله ياامجد رغم إنوطلبك فيهو صعوبة لكن نحاول بقدر الإمكان , بعدين جريدة التيار دى فيها مسادير كتير ولا شنو؟كلنا بنشف من الجرايد والكتب

122 رد: مساااااااااادير,,,,,,,,,,,,كل يوم مسدار ونمة في الثلاثاء يناير 18, 2011 10:26 pm

somia

avatar
الحاردلو يتحسر على الماضى
كٌت فى جقدلة وفاقة وشوية روقة
على الدنيا راضية العندى مى ممحوقة
شِن معناها هسع نمتى المربوقة
كانت ليك قبيل ماتبقى كدِى مسروقة

يقول انه كان فى فراغ ومتعة ولم يجد مايعكر صفوه وعنه الدنيا راضية ومايملك لاينقص عن حاجته ,فما معنى غنائه الآن ونظمه المتتابع ,وقد كان يحلو الغناء فى الماضى حيث القوافى متتالية دون كد للقريحة وليس كالآن كأنما تسرق وتختلس إختلاس

ابو فارس

avatar
مسدار ما بعد الاستفتاء وحلول دولة الجنوب الجديدة جارتنا
بقول كرار محمد كرار
صحفي بجريدة الانتباه هذا المسدار

بعد الليلة كل واحد يروح لي حالو
وكل فريق يرتب بيتو ويرعي عيالو
البمشي الجنوب والبيي يعود لي شمالو
نرتاح تاني من باقان ومن امثالو


يا اخوانا كدي اي زول يحاول يرسم خريطة السودان حقنا من غير ما يمسح
ارجو ان تساعدنا الحكومة وادارتها العليا في بيان واضح لحقنا وحدودنا
ولا شنو ????

ود الصديق

avatar
برق الهنعه رفَّ ولاح وفكَّه أريـــاحُو

ذكَّرنِي البفــوق دهب البراتي سمـاحُو

الخلاني أقيم الليــل ملاقي صبــاحُو

بعد الشيب خفيف الروح جرحني سلاحُو

ود الصديق

avatar
في آخر السماك ود عيني زاد لِجليــجُو

والاهو الشِتا العقبو الخريف بي عِرَجُو

فاقد شوفةْ المـــريود وحَـــــالِي لِهيجُو

سيفــــو الحـــاد حيــــــاتي من دِهيجو

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 5 من اصل 6]

انتقل الى الصفحة : الصفحة السابقة  1, 2, 3, 4, 5, 6  الصفحة التالية

صلاحيات هذا المنتدى:
لاتستطيع الرد على المواضيع في هذا المنتدى