مساااااااااادير,,,,,,,,,,,,كل يوم مسدار ونمة

عهد الروح مضى وسارت قوافلو المادة
وإستلم الزمان من بعدو عصر المادة
طبق فينا من قانونو ابشع مادة
تتقاذفنا تيارتو جاذرة ومادة

والله ياريت نحول الطلب للإدارة
رغم إنو قلنا كل يوم مسدار لكن عشان زولك المؤمل دة شوف هنا القُنع كيف
إتغشينا بى حبك لبسنا عباية
ياموية الرهاب الماملت كباية
عجيب ياساخرة امرك إلا نحناغباية
عاشقين الجمال فى لمعة الحرباية


ونواصل يوماتى إنشالله لمن يرغب

العندو القرش الناس تعلى مقامو
حتى إن كضب يتصنتولو كلامو
والماسكو الفلس تتعوج القدامو
تتواتى الكديسة محل يودى حمامو

جديد وفريد

شديت البينتيوم و أصبح يبرطع جايط
و الإنترنت دقش قلبتو صايت صايت
علي أم شعراً حلال ما طولنو وسايط
و عطشان الغرام ما برونو2 كيلو بايت

ونحن النار أكلنا حجاره مو ورتاب
نخمج الدم خمج نسعر نطجوا شراب
نحنن بيه شواربنا ونختو خضاب

والله ياودالصديق زولك ناااااااار مولعة

طه الضرير وود ضحوية ديل ماشاالله عاملين تواصل اجيال كويس ديل بنفعو مع ابوفارس عشان لغتم مفهومة نت وكدا

والله ياابو فارس طلبك فيهو صعوبة شوية الواحد بفهم المسدار بس لما تجى للشرح حيقولو ليك وفسر الماء بعد جهد بالماء,عموماً نحاول نوضح انو بتكلم عن شنو , وعليك الله الحقنا بى جدعات عكير الدامر دى لو عندك منها كتير لانو كلامو حكم

دى ممكن تكون فى محاسبة النفس
إتبعنا المجالس ودرنو قدرنا
وبقينا نمازح البسوانا والمو قدرنا
وكتين بالدراهم نشتريهو كدرنا
مافيش فايدة نشحن بالغبينة صدرنا

الليلة السحاب فوق البطانة منيِل
وولع جمرة القلب القبيل متحيل
طريت ست الصبا ال ما جالسوها العيٍل
جمالها يفوق على قدر العقل مايخٍيل
*****
حرقوصك نتل جاب من هواك دعاش
خيم فوقك الليلى ومكاييل هــاش
اتعتم سماك أسقى الـ أكانوا عطاش
عربك تالتة ..واقفين..لابرش لافراش
*****
ركزن لك بروقك عكلن قيزانك
انهلن بشايرك واستعد عربانك
اتدلقن سحابك نع فوق وديانك
بى فرحة وطرب دقو الرباب عربانك
*****
أضحو مبسطين شاكرين كريما حى
سندوا الواقعة حلبوا وشربوا من النى
اتملى التبوب مصعن حمير الرى
قاموا يعافرو فى الشقق الرباطن نى
*****
أخدوا الهجسة لى الكيفة الشميشا ضحي
يات من كان حلف قال الكرامة علي
أم ريد لولـت القــلاى ,جميلة الزى
أرياح الـــدمك غمرن ربوع الحى

لزول المتل منقة بلدنا صفرتو

جافل منى ياخلاى قدر مادرتو

العاقل طبيب نفسو واخيرلو سترتو

ما يتهبش الحاجة ان بقت ما قدرتو

اقول مادام حبيبي وحب يتناساني مفيش فايده للبكا والنبيح يالساني انا فى حوجه لى فقرا وطبيب نفساني كونو غميدي قل ونومي ذى حسساني

نورد قصيدة درقةالرغوة للشاعر الكبير عكير الدامر
وهى فى وصف الدنيا وحالهاويقول فى مطلعها:
كم دمرتى ناس ومساكن
كم ذليتى بعد العزة شامخ وساكن
كم صبحتى قلباً حى ومتلج وراكن
زكم صبحتى عمران ذى مبانى سواكن

بت اللا زمان نطحت فيافى وصَي
يجادعن بالبغو قش البطانة الني
دغسات العيون الما بيرد الحى
لي ليمك شحد ربى ورفعت اٍيدي

******
مبسوطة البطانة وقاستا النقاعة
دار خبر الرحيل اتباشروبو جماعة
قاصداك اريل الفودة البضوى شعاعا
أحمت عينى تغمد عقربا اللطـاعة

ود ضحوية:

الليلة أم شلوخ لاقيتها عند الشات
و الفايروس ضرب قلبي و محا الفايلات
يوم شافني الفقير البكتب البخرات
قال الدفجمن ما بفيد أحسن تسو فورمات.

الغنى فيك يوسع ولى الزيادة يكابس
فى اللين يخضر وقلبه طارى اليابس
بسراع تدى ضهرك ويبقى وجهك عابس
وحالاً ينقلب عريان بعد مو لابس