بدون عنوان

من الهم اصبحنا نغنى وغنيناك يا طيبه قصيده..
وصفناك للماشافوكى وزيناك بالحب والريده..
قلنا نعلم بيك اطفالنا كيف الالفه البينا فريده..
وكيف اشواقنا اليك تتجدد وكل ما تقل جوانا نزيده..
همنا انتى البلسم ليهو وانتى مراسى عمرنا وعيدها..
انتى جرحنا الما بتداوى وانتى مناره نشوفها بعيده..
نحاول نوصل ليك ونطولك خطانا تتوه فى دنيا جديده..
..........................................
..........................................
يا متملكه فينى الخاطر....................
انتى الروعه الفيك بحسها لما اسافر..
لما افوتك ولا تفوتى او يبعدنا الزمن الجائر..
كنت بهم شوفتك وافرح ولما اشوفك اصبح حائر..
افرح بيك فى كونو لقيتك واحزن اهم انا من يوم باكر..
كيف نتفارق تمشى وامشى تجرى دموعى تلاقى دموعك تسقى ازاهر..
تسقى زهور الريده دموعنا تنبت جوه الجرح الغائر..
............................................
............................................
يامتفجره فى اعماقى غرام وموده................
محتويانى ومالكه قليبى يا اجمل ورده..
لما فتحتى على الريده باب الهم الخلفى انسده..
اتمنيت من ربى اشوفك همى يروح وتزول الشده..
تبدأ مواسم عمرى تنور عتمة ليل الشوق تنهده..
القى معاك احساسى الضائع وبيك افراح العالم تبدأ,,
....................................
......................
.........
زكريا

ما كلها....

تعظيم سلام لسعادتك والله خالتك ماعرفتك عاد دةكلام؟ بس ماشاء الله عليك أقرأ أكتر حتبدع أكتر ووالله ياأخ محمد أنا اتمنيت لو في جهاز كمبيوتر في كل بيت في الحلة من شدة فرحي بي لمة الناس والمنتدى بقى جزء لا يتجزأ من يومي حكيت لأمي وهي منتظرة جيتك لفريقنا.