بالليييل وانا نائم قلت اصحى عشان ارتاح شوية ؟؟؟؟؟

بالليييل وانا نائم قلت اصحى عشان ارتاح شوية ؟؟؟؟؟


يا منتدى عشتا لينا..

خليتنا ونحنا فى نص ديارنا ووسط عيالنابرضو حس الغربة فينا...

من زمااان قالو النوم يريح بس انت بدلتا حالنا

عز اللييل نصنقر .. نقرا ونفتش فى كتابك صفحة صفحة وما برانا...

كل الهايمين معانا ...


اصلو حبك زى سمانا

تحتو كل الناس تقيل وتفرح بى زمانا

اب صباح بى فنو وشبابو .. ود الصديق المشاتر وما براهو

والحبوب المتيم ... وابو فارس فارس زمانو ..

سمية يا فلتة زمانا والتاتا يا حلاوة كلاما

وناس كتييييييرة عايزة فنان وشاعر يكتب عشاااانا

اصلو بالليييل وانا نائم قلت اصحى عشان ارتاح شوية ؟؟؟؟؟

فى بحور حديثكم دايما نلقى فرحة وتبقو دوحة سفرنا

وكل ما الايام تباعد منتداكم لينا مرسى ..

نرتاح فى ضفافو ونحكى عن ايامنا قصة والف قصة

عن هوانا وعن شقانا وعن دروب ما شفتوها لسة

عن وطن كل يوم يكبر فى جوانا

وفى طيبة طيبة بالعيد الكبير يبقى ملتقانا


وكلنا نكون disconnecte و live نعيش فى حنانا


ما قلت ليكم

اصلو

بالليييل وانا نائم قلت اصحى عشان ارتاح شوية ؟؟؟؟؟


بس الظاهر شالنى حمار النوم ولا شيطان الشعر ما عارق ؟؟؟؟؟

بعد حكت العليها اتوهجت برقت بروق عينيها

حسيت بالمسافة البينا قلت امشيها

وقعت عينى ذاتا عليها


والليلة يا ريح الصباح الهابة فيك راحة ووجع

والليلة كل شدراً كبار وحشاهو ناقرو السوس بقع


الليلة حق الناس ببين والليلة بنشوف البدع

.................


وبس

هيجت اشجاني وزدت لوعتي وأحزاني .... ما بال الذي يبعد خطوات من طيبة العشق الابدي ،،،، السهر اللذيذ العالي ،،،، من الذي يبعد فراسخ واميال والعشق ميال لكن عزاؤنا هذه الثلة الفتية التى تجبر كسرنا وتدقدق مشاعرنا ونرى فيها خلف الغيوم مكمن العشق وسنا الفجر الصادق الذين يحملون راية العشق خفاقةفلهم منا التجلة والاحترام

أروع من وجدته يستطعم الشعر ويلقيه ولولمست أي شي حلو في حياتي والله العظيم بلقى ريحتك وأثرك فيهو ياأبوالشيماء الله يخليك لينا وزي ماقلت انت الحنية الفيك تخلي العود يعزف براهو أها لسة ما....؟
ومن ضلك سلام للأخ عصام قريب الله وبرضو مابتذكر غير الأسم.

آه آه ياطويرة الاحزان
آه لو كان تعرفي البي
جرحك انتي صاب الريش
وجرحا لي مسافر في النسيج الحي
دريبي بعيد وحزني فريد

ومما رحل البلبل الغريد
بسرح في عيون الناس
بسـأل ولوسؤالي يفيد

كيف الدنيا تصبح دنيا
والصيد يبقي ياهوالصيد؟
مين يقدر ينضم عقود منقوشة
ترقد في حزوز الجيد
ومين يضفر كلام الريد

حليل كلام الريد (؟؟)

كلو جميل مصيرو يجي ومصيرو يفوت بلاتخليد
كتاب الكون يظل مقفول
بلا خاتمة بلا تمهيد

....

وحتي النيل مصيرو يكون مجرد موية شاقة البيد

منو البيقدر يجيب ليكم خباراتو ( آآآآآآآآآآآآآه)

رقصة موجو في الشاطئ
رواويسو , حكاياتو
رقاد القمرة جنب النجمة فوق رملا مراياتو
ولما تغيب ينوم النيل موشح بعباياتو
وزي ما النيل يضيع في الدلتا يتلاشي ويموت مشلول
انحنا كمان تفيض امالنا
تضيع تنشره في ساحل المجهول (إإإإإه)

ودبادى
..........

.... وبعد مريت على ردودكم وعديل كده وبى رجالة شديدة بكيت بكييييييت كتير اى والله بكيت بى طعم (حلو شدييد ) ياعصام فور.. وبى طعم احلى يالتاتا(وده حصرى مخلوق براهو مامعروف من شنو ) وبى طعم تانى احلى ياسمية ويا بوص ... واخدت وكت كبييييير عشان اللملم ما تبقى من !!!! عشان اقدر ارد .

ياريت لو الزول يقدر يلمكم كلكم كده كنت أعزف ليكم احلى مقطوعة على العود إسمها ( يمة)..

وبعد قريت كلامكم شاورت زول وسميتا ( يمة طيبة )
عشان نبقى اخوان فى الرضاعة ...(تنهيييدة)

جهجهتونى وما عرف اقول ولا اعيد ولا ولا ولا

يظهر شطانى جندتو سمية وأسلم ...

لانو قدر ما حنستو ابى يفتح خشمو أى والله !!!

ولا يكون عصام فور رسل ليهو عقد وقطعو البحر

او وده الارجح شايل رسالة سرية منى ليكم وهو الان فى الطريق فمتى وصلكم امسكوه انا جوااهو .. وياريت تقدرو تمرقو الكلام الفيهو عشان انا غلبنى ...

وبس

أبو الشمياء

الشيماء يقت عروسة يا فور وانت لسة ما شفتها (مين يقدر يصدق )

اعلان مدفوع الاجر
بفتش فى زول اسمو الفاضل النور

ليتني جنيُُ من وادي عبقر ...
... ...
او ملكُُ يتقلب في صفحات السماء ....

....
....
لا يربطني بالبشر من شئ ...

فهمو والبشر سواء ...

فمصيري ...

ان اظل انا .. انا
وتكونين انت .. انت

لا فراق ولا لقـــــــــــــــــــــــــــاء..........


..

وها انا ذا

!!

قد بلغت الاربعين !!!

مناهزا عمر النُبُوة !!

ولم أتُب ...


---------------------------------------------------------------

بس

[color=violet] يافاطمة بت زينب[/color]
تحياتي لك ولجندي ود الزين والأمير الفي الصورة" وأنا بتذكرك لأني قبل سفري ما غبت من بيتكم اسبوع كامل