تتممة الاحداث الاول

اول ضابط صحة ابراهيم محمد صالح

اول اخصائى فى المبيدات الحشرية ومكافحة الافات صديق محمد صالح

اول تمرجى محمد المبارك حاج الصديق

اول جزار حاج الحبيب رحمة

اول خدرجى عبدالرازق محمد احمد

اول تاجر خوجلى عبدالله

اول ترزى على ابراهيم (تجو)

اول فوال النور احمد النور

اول حلاق النور احمد النور

اول فنى بيطرة محمداحمد عثمان(حنترب)

اول بير موية الاربعينات حفره الشيخ الطيب

اول (خراجى) سقا الحاج ودمنانة

اول سقا نسائى حواء بت محجورة

اول داية بلدية فاطمة المادح

اول داية دارسة وبى شنطة آمنة قرشى

اول رادى (راديو)ويعمل ببطارية العربية 1954 شيخ سعيد الشيخ السمانى وكذلك اول عربية فى نفس التاريخ

اول شاعر من ابناء الحلة تتغنى له الفرقة محمود صالح ابوعاج

نشأت نادى القرشى بعد توحيد فريقى الاهلى بقيادة المكاشفى وفريق الثورة بقيادة الطاهر عمر اوئل الستينات او اواخر الخمسينات

اول صمد(الصمد هو حلقة الوصل بين المفتش الانجليزى والمزارع) مكتب ودسلفاب الطيب الخليفة

مكتب دلقا العوض عبد السيد اواخر الاربعينات

اول لاعب كرة ينتقل للعب خارج القرية سالم فضل المولى 1969 على ما اظن ولعب لنادى العامل حلفا الجديدة

اول مؤذن صافى الدين وداعة

اول امام الشيخ الزين ود الشيخ الطيب

اول فكى للخلوة فكى على الصغير والد بت سيدنا جد اولاد الطيب عبدالعظيم

الاخوان والاخوات والابناء والبنات الذين حفزونى للكتابة اوتداخلوا بعد ذلك لكم جزيل الشكر والتقدير ابتداءا من الكوامر وانتهاءا بالاتوس على قول عصمت وداخوى الصادق

الاخ والزميل عصام فى كثير من المجالات لك كل الحب والمودة ولاسرتك السلام


اها انا من يوم ما اديتنى البكوتية كل يوم نشيل منها نفس ونطفيها واتخيل تربيزة الهارت مربعة وحميس لابد بى البت وطبعا ما بياكلك ليها بل يبلعك ليها وتحس فعلا لما يعصرا ليك بالطعم المر فى حلقومك

انها ايام الزمن الحلو وناسو حلوييييييييين دقاش الحمودى الخير على وآخرين ليالى رمضان ونهارو فى النادى ومكتب الرئيس مرشوش بى الموية والمروحة تهبهب عصريات الفولى ومحط تركا (صلاح النويرى) للشوط؛ صبرى والليلة كى ونا تسالى ودالنيل وفول سرار صوت الحريرى يلعلع فى النص مداعبا هذا وذاك خجيجة الضكرية الحبزقى وآخرين كثر متع الله الجميع بالصحة والعافية


ولنا عودة ان كان فى العمر بقية

اول (خراجى) سقا الحاج ودمنانة


انشالله يا أستاذ حا ندعم ليك المعلومه دي بصوره للحاج ود منانه سقا قبل ان يفقد بصره..

تحية خاصة جدا لزول عزيز جدا في البال والخاطر كثيرا وما أجمل وأروع الذكريات التي تجمع بيننا دمت كما عهدتك كبيرا طيبا أسما على مسمى وللذين لا يعرفون الطيب من أخواننا الصغار وأبناؤنا الطيب العوض الشهير بفالكاو عشق جماهير القرشي في ثمانينات وتسعينات القرت الماضي شخص ذو نكهة خاصة ومذاق عالي الجودة في نادي القرشي خاصة وفي طيبة عامة لا نزكيه على الله ولكن رقم لا يمكن تجاوزه بأية حال من الأحوال في عشق طيبة .
دعوة.... قربوا منه ستجدون صدق حديثي) مع خالص دعائي بموفور الصحة والعافية للجميع

الاخ والصديق عصام

لست ادرى بماذا ارد على كلماتك الطيبات عنا الا ان اقول لقداخجلتنا كثيرا ووصفتنا بما لانستحق فلك خير الجزاء وصادق المحبة وين تلفونك[/b]اما طيبة وما ادراك ما طيبة فهى المعنى والمبنى الحرف والكلمة العشق السرمدى الذى لايتبدل بل فى ازدياد يتجدد مع الانفاس فدعونا جميعا نعمل ونجتهد لكى تكون طيبة(طيبة)


ومافى القلب يبقى ابدا فى القلب