المثل بقول الخيل تجقلب

والله نحن بالاكتر يافطومه شكرا على كلماتك الجميلات دائما
انتى تربية حبوبات عندك امثال اول مره اعرفها ربنا يزيدك علما ورفعة

جلدا ماجلدك جر فيه الشوك

حلم الجيعان عيش
القلم مابزيل بلم

اخوك كان بقى عسل ماتلحسو كله

ات كان يا كا مابتسوي الكاكا

اخر نكته وبهديها الي كل الامات والاخوات واحد قالو مرتو مكرهاو وهي اضانة تقيله ويوم بسمعو في الرادي جابو حديث الجنه تحت اقدام الامهات قالت ليو ده قال شنو ياراجل قال ليها قال الجنه تحت كرعيك المشققات ديل

المشتهي الحنيطير اطير الماعندو قديم ماعندو جديد والنسي قديمو تاه والمابتلحقو جدعو والسواي ماحداث قرد اونسك ولاغزال ازازي بيك والعرجه لي مراحه ومصيرو الحي ايلاقي وقعده جبنه في الحله ولاقعده في الغربه الكلام ليك يا المنطط عينيك والبيتو غزاز مابجدع بالحجار

وهاكم بعض الامثله زي مزح الحمير عض ورفسي وتحفير وسمح الغناء في خشم سيدو وقلبي علي جناي وقلب جناي علي حجر والبرقص مابقطي دقنو ومن خرج من دارو قل مقدارو وادوك ليها مملحه تاكله يابسه والسمح سمح كان زرعو عيش بقوم قمح والجمالي مابشوف عوجه رقبتو والكلب ينبح والجمالي ماشي والبباري الجداد بوديو الكوشه وشجر النيم ضلو مامر والنار تلد الرماد وديك العده وسفرا بااليد مابعيد والنسيب عين شمس وحلم المطلقه الرجوع والبكة بحررو اهلو وده شعرا ماعندي ليو رقبه وكل زول عاجبو الصاريو ومنعوها من الحوامه باتت بره وووووووووووووووووواخيرا الستره والفضيحه متباريات

كل سنه وانت طيب
حكيت نكتتك لناس مكتبنا ماتو من الضحك
اما الامثال ماشاء الله عليك ود حبوبات

كل سنة وانتي طيبة ياوصال ربنا يحقق كل أمانيك يارب.
النعسان في الدلوكة بنوم.
والمافي الرزق بتمرق من الشدق.
سيد الرايحة بفتش خشم البقرة.

المشكله انو بقن مافي كرعين مشققات يعني يعني مانخش الجنه ولاشنو ولانرجع نزع قمح عشان شقق الكرعين

ادروب فارش طماطم في السوق وطماطمو حمره وكبيره جات بت جميله قال ليها شيلي طماطم قالت ليو انا عايزه بتاعت ملاح قال ليها ادروب عشانك صفيحه افجخ المسكين كسر صفيحه

لمن جا راجع قال صاحبو والله في الصين علي راس كل دقيقه في انجاب طفل صاحبو قال ليو سبحان الله تكنولوجياهنا المره لو ماتمت تسع شهور وتسعه يوم مايولد

حلفاوي قالو مرتو جميله شدييييييييييييييد قام دبل فيها اهلو واصحابو قامو شاكلو ده مره بدبلو فيها قاليون اسكتو انتو ماعارفين حاجه الرد خليتو ليكم وبرد ليكم بكره لو ربنا حيانا

منتظر ردكم ياناس

بما انه حلفاوى ياممدوح معناها المره صلايه او متدينه

قال جابه احلف بيها الطلاق

[b]

مساحه جميله يا وصال.وهاكم ده ان غلبك سدها وسع قدها وسبع صنائع والبخت ضايع

ازيك يامها ومرحب بيك فى منتدى اهلك وشكرا على المرور والمشاركه ومليون شكر على الاطراء

الجمل مابشوف عوجه رقبتو

العندو قرش محيرو اشترى حمام ويطيرو