سلام ليكم والله ما طباخ بس مداخلة عشان اخواتنا ديل المدير العام دا يعمل ليهم منتدي خااااااص بالمرأة وحاجاتهن الخاصة والموضوع ظهر عبارة عن اشتهاء
لكن يظل هذا الملاح وحسب اعتقادي مرتبط بناس الجزيرة فقط رغم بساطة محتوياتة وعبق ريحته الزكية في الايام الخريفية وسط اللمة وفي الراكوبة ووسط الضحكات للاهل والشلة له معزة خاصة ومرتبط بريحة الحبوبات والشلوخ وليل القمر وزنقة العشا لو المطرة صبت بالليل كمان
ولو فيهو فوائد الملاح دا الناس بتعرفا يورونا ليها هنا
ولا يكون الكلام بتاع لو وصلت منو سلكين تنور اللمبة صاح
وهاكم
المقادير:
حليب بودرة او سائل
شطة حمراء
ويكا
جردقة
الطريقة:
خت الحليب في حلة في النار لحدي مايغلي.
بعدما يغلي كب ليهو حبة جردقة نقطة يعني
وبعد مايبقى اللون اصفر فاتح حرك الحليب بالمفراكة وكب الويكا بالتدريج حبه حبه
وكب بطرف الملعقة شطة وملح
طبعا العصيدة ماداير ليها وصف
وبالهناء والشفاء والمابعرف يعملوا بعد كدا هو العصيدة
يجب ليهو فول وعيش
بالمناسبة المشتهيهو في المغتربين وما لما فيهو يدينا العنوان وليكم علي اوصلو ليهو باقرب طيارة
ما قلت ليكم الحكاية بدت باشتهاء
بالله شوف الزكريات الجاتك قدر شنو ؟؟؟؟؟؟؟؟
مع تحياتي
ابو فارس
لكن يظل هذا الملاح وحسب اعتقادي مرتبط بناس الجزيرة فقط رغم بساطة محتوياتة وعبق ريحته الزكية في الايام الخريفية وسط اللمة وفي الراكوبة ووسط الضحكات للاهل والشلة له معزة خاصة ومرتبط بريحة الحبوبات والشلوخ وليل القمر وزنقة العشا لو المطرة صبت بالليل كمان
ولو فيهو فوائد الملاح دا الناس بتعرفا يورونا ليها هنا
ولا يكون الكلام بتاع لو وصلت منو سلكين تنور اللمبة صاح
وهاكم
المقادير:
حليب بودرة او سائل
شطة حمراء
ويكا
جردقة
الطريقة:
خت الحليب في حلة في النار لحدي مايغلي.
بعدما يغلي كب ليهو حبة جردقة نقطة يعني
وبعد مايبقى اللون اصفر فاتح حرك الحليب بالمفراكة وكب الويكا بالتدريج حبه حبه
وكب بطرف الملعقة شطة وملح
طبعا العصيدة ماداير ليها وصف
وبالهناء والشفاء والمابعرف يعملوا بعد كدا هو العصيدة
يجب ليهو فول وعيش
بالمناسبة المشتهيهو في المغتربين وما لما فيهو يدينا العنوان وليكم علي اوصلو ليهو باقرب طيارة
ما قلت ليكم الحكاية بدت باشتهاء
بالله شوف الزكريات الجاتك قدر شنو ؟؟؟؟؟؟؟؟
مع تحياتي
ابو فارس 
)
....... 