سلام يا جماعة انتو طبعا اسي بقيتو كبااااااااار
لكن انا عاوز اسوقكم في تنويم مغنطيسي وانتو صاحيييين وحتكونو بتضحكو وانتو بتردو او بمعني اصح فرحانين لو حاولتو تردو علي الشي التحت دا
المهم خلوني اديكم واديكن مفردات يمكن اسي ما متداولة
بس لو قريتوها حتتزكرو لينا حاجات في زمنكم
وابداها للاولاد
السراحة
شريك الطير
حمام الترعة والجبادة
تمرين العصر
لعب البلي -- وحرينا
التيراب في الحواشة والشليخ
الخواجة في المطرة
من ناحية المدرسة : طابور الصباح --زنقة الفطور الساعة 10 --الجمعية الادبية --درس العصر--تصحيح الكراسات --حصة التسميع --
الشلة وفريق الكورة -- والحرب بالسيوف -- واللعب بالطين
اما البنات
نضيف علي الفات
لقيط القطن -- الفزع := ما ظنيتو اسي في بعد الغاز والحاجات الجديدة دي -- دق الدلوكة --لعب البنات زمان والبسونو في لعبن بالعروسات
طبعا ما عندي حاجات اضيفا اكتر ليهن عشان كدا الاخوات يضيفن لينا لو امكن
الموضوع دا ما حاجة مفيدة في الزمن الحالي بصراحة لانه ماضي متعب حسب التكنولوجيا الحديثة لكني كتبته لان فية من الراحة النفسية للجيل السابق ويبخلي الزول كدا يتبسم براهو ويحن لايامو الخوالي
المهم لو حصل حنيت في الزكري اجدعنا بسطرين
من فريقكم والناس الكانو معاك
وخلي الزمن يرجع بيك مره
غصبا للظروف والحال الحرن
ابوفارس 
