بدا تحية الى ابننا الشاب المجتهد محمد ابوصباح ... حقيقى لك تعظيم سلام ....
التحية الى طيبة من ابوعشرين الورانى والى حدودها شرقا التى لا اعرفها الان ؟؟!!!
والتحية الى كل ناس طيبة من ترعة عبد السيد الى الترعة الكبيرة (خليك حنينة علينا لما تكسرى فقط بلى الشوق )وما تغرقيهم ....
عذرا لا ادرى انا الان اكتب رسالة ام تكتبنى حروفى اليكم يا طيبة واهل طيبة . ام هو الحنين والبحث عن الذات التى لربما تاهت كغيرها من الاخرين بحثا عن الدنيا والمال والعيال بما فيها من عنت ورهق وسفر طويييييييييل ابا ان يرسى على اى ميناء لعلك كحالى من الزكريات تنسج خيمة للارتياح ... او جمة نفس لعلها تعين على باقى المسير ...
على البال الان تختلط صور طيبة .. سوق الخضار .. حمودى ..القبة .. الحاج ود منانة .. دكان جدى عوض الكريم ..الخال ود الخير ..ناس حنانة ..بدرالدين القرشى . درس العصر . استاذ قرشى . الشفخانة وصالح .. احمد العوض المدارس.. بيت شيخ الزين قرشى ..الميدان .. رابطة ابناء طيبة .. احترام الكبير اولا .. النفير .. اسبوع العمل الاول .. استاذ الجمرى .. عصام قريب الله صبرى .. ود الريح . العب محمود غريب الله . .. طارق محمد نور .. ابراهيم عوض .. سرار .. استاذ عثمان خليفة .. و وووالاباليس و ووو ويا حليل الزمن الجميل حليل الكان ..
ومن هنا انا لا اقول ارسل رسالة انما هى رسالة تفرض نفسها على جيل جديد له القدرة على التغير ان اراد ... طيبة تحتاج الى الكثير . وزى ما عارفين كل الشباب الان فرقتهم سنة الحياة .. لكن وحسب تجربتى ... نحن مهما بعدنا واقتربنا لاراحة ولا احساس بحلاوة الدنيا الى فى طيبة والله حقيقى لانها وطن الام والاب والعم والخال والحبوبات وطن الارتياح ومدافن الهم ( عليك الله بى كم تلقى احساس حبوبة تحضنك وتسلم عليك وتمطقك فى سدرك وتشم ريحتك ) وين تلقى زى ده غير فى طيبة ... مرقة العصرية وشاى المغربية وسلام الناس كل الناس ..
اهم ما عاوز اقولو انو من فترة كانت هنالك فكرة انشاء جمعية بى فهم عام لتخدم القرية فى جميع اوجه الحياة وهى استثمارية تكافلية قايمين عليها كبار القوم عندنا فى طيبة وقد كان لى الشرف ان حضرت اكثر من اجتماع لهذه الجمعية واوكلت لى مهام انا والاخ عبد القادر حسان لجمع الشباب فى الخرطوم للتنوير والتبشير بقيام هذه الجمعية... لكن للاسف عقدنا اكثر من اجتماع ولكن الحضور لم يكن كافى... عليه اغتنم تجمع كل ابناء وبنات طيبة على هذا المنتدى واتمنى من الاخ مدير المنتدى تبنى نشر الفكرة علنا من جديد نعيد الى طيبة سيرتها الاولى ....
اشكر المنتدى على هذه الاتكاة ونوعد بالمزيد فى اتكاة تانى
ابو الشيماء
التحية الى طيبة من ابوعشرين الورانى والى حدودها شرقا التى لا اعرفها الان ؟؟!!!
والتحية الى كل ناس طيبة من ترعة عبد السيد الى الترعة الكبيرة (خليك حنينة علينا لما تكسرى فقط بلى الشوق )وما تغرقيهم ....
عذرا لا ادرى انا الان اكتب رسالة ام تكتبنى حروفى اليكم يا طيبة واهل طيبة . ام هو الحنين والبحث عن الذات التى لربما تاهت كغيرها من الاخرين بحثا عن الدنيا والمال والعيال بما فيها من عنت ورهق وسفر طويييييييييل ابا ان يرسى على اى ميناء لعلك كحالى من الزكريات تنسج خيمة للارتياح ... او جمة نفس لعلها تعين على باقى المسير ...
على البال الان تختلط صور طيبة .. سوق الخضار .. حمودى ..القبة .. الحاج ود منانة .. دكان جدى عوض الكريم ..الخال ود الخير ..ناس حنانة ..بدرالدين القرشى . درس العصر . استاذ قرشى . الشفخانة وصالح .. احمد العوض المدارس.. بيت شيخ الزين قرشى ..الميدان .. رابطة ابناء طيبة .. احترام الكبير اولا .. النفير .. اسبوع العمل الاول .. استاذ الجمرى .. عصام قريب الله صبرى .. ود الريح . العب محمود غريب الله . .. طارق محمد نور .. ابراهيم عوض .. سرار .. استاذ عثمان خليفة .. و وووالاباليس و ووو ويا حليل الزمن الجميل حليل الكان ..
ومن هنا انا لا اقول ارسل رسالة انما هى رسالة تفرض نفسها على جيل جديد له القدرة على التغير ان اراد ... طيبة تحتاج الى الكثير . وزى ما عارفين كل الشباب الان فرقتهم سنة الحياة .. لكن وحسب تجربتى ... نحن مهما بعدنا واقتربنا لاراحة ولا احساس بحلاوة الدنيا الى فى طيبة والله حقيقى لانها وطن الام والاب والعم والخال والحبوبات وطن الارتياح ومدافن الهم ( عليك الله بى كم تلقى احساس حبوبة تحضنك وتسلم عليك وتمطقك فى سدرك وتشم ريحتك ) وين تلقى زى ده غير فى طيبة ... مرقة العصرية وشاى المغربية وسلام الناس كل الناس ..
اهم ما عاوز اقولو انو من فترة كانت هنالك فكرة انشاء جمعية بى فهم عام لتخدم القرية فى جميع اوجه الحياة وهى استثمارية تكافلية قايمين عليها كبار القوم عندنا فى طيبة وقد كان لى الشرف ان حضرت اكثر من اجتماع لهذه الجمعية واوكلت لى مهام انا والاخ عبد القادر حسان لجمع الشباب فى الخرطوم للتنوير والتبشير بقيام هذه الجمعية... لكن للاسف عقدنا اكثر من اجتماع ولكن الحضور لم يكن كافى... عليه اغتنم تجمع كل ابناء وبنات طيبة على هذا المنتدى واتمنى من الاخ مدير المنتدى تبنى نشر الفكرة علنا من جديد نعيد الى طيبة سيرتها الاولى ....
اشكر المنتدى على هذه الاتكاة ونوعد بالمزيد فى اتكاة تانى
ابو الشيماء
عدل سابقا من قبل حافظ محمد الامين أحمد في الخميس سبتمبر 23, 2010 4:50 pm عدل 3 مرات (السبب : تعديل)
ابو فارس 
