خايف تقول لي بريدك !!!!!!!!!!!!!

خايف تقول لي بريدك
وقلبي جواك حاضنو ريدك
ولا خايف من غرورك يغلبوا ريدك
وانت عارف روح هواي جاريه في وريدك
برضو خايف تقول لي بريدك
ما انت عارف اني منك وانت مني
وروحي تهواك قبال تقرب لي سنينك
والزمن بيسرق سنيني
وانتي جمبي تعذبني
لا قدرتي تحتويني
ولا قدرت اهرب من انيني
وتشوف حياتي طريق بدونك
لسه خايف تقول لي بريدك
شوفي جواك بكل ضميرك
قبال اضيع والحزن يسكن طريقك
شوفي جواك قبال اضيع
والندم يصبح اسيرك
شوفي جواك قبال اضيع
ويضيع مصيري ويتوه مصيرك
برضو خايف تقول لي بريدك