ده مطبخ مفتوح لكل واحد عنده طبخة عايز يشارك بيها ...

انا ببداء ليكم اول طريقه تحضير لملاح عن تجربه

ملاح التقليه بى التونه

المقادير:

علبه تونا او علبتان
6 ثمرات بصل متوسطة
زيت ذرة
١ م-ك صلصة
٢ م-ك بامية مجففة ((ويكا))
توابل حسب الرغبة

ممكن اذا حبيتو تضيفو مرقة دجاج ماجى

تقطع ثمرات البصل الى شرائح ثم تحمر فى قليل من الزيت

و من ثم يتم أضافة لحمة التونا

ثم تضاف التوابل الي لحمة التوناو كميه مناسبه من الماء

ثم يضاف قليل من عصير الطماطم و تترك حتي الغليان

ثم يضاف الي خليط الملاح حسب الرغبه فى المغدارالباميه المججفه ((الويكه))

و من ثم توضع العصيده في صحن التقديم و يضاف اليها الملاح

والله الواحد ياكل لمن يقطع اصابعيهو ويا حبذا لو فى شطه خدراء مع الدكوه


و بالهناء و الشفاء

لالالالالالالالالالالالالالالالالالالالالالالالالالالالالالالالالالا يامعتز الشي دة ياأخوي تشوف ليه اسم ولا بحرش أماتي وأخواتي وجاراتي ونسوان الحلة عليك دي حقوق ملكية فكرية شوف ليك اسم تاني وأنا بساعدك بي الخيارات دي يا اما ملاح كلفتة أو ملاح الحيرة ولا يمة الشوق رأيك شنو؟.
كان في صور نزلها لينا النشوف الشي دة للزمن.
قصص يابنات أمي ألحقن ياسمية وياوصال .

يا جماعه المتهم برى حتى تثبت ادانته جربو وبعدين احكمو عليو وبعدين يا ود الصديق اخوك عزابى محترف ومعروف فى بيت العزابه طباخ درجه اولى يعنى بعدين بننفع فى المطبخ .

تحيه لود الحبوب
يامعتز ركز معانا براحه واحده واحده
التونه دى شرموط وخلطت فى الاسم واللا ياها التونه الفى العلب دى البفتحوها بمفتاح العلب !!!!
ولوده ملاح عزابه المتزوجون يمتنعون
دخلت فى فطومه دى خلعه

والله ياوصال راجعت العنوان قالوا واحد ماواحدة يعني للرجال ع و م خليهم يخرمجوا نحن اليعملو لينا مطبخ برانا علي شرط تلاجتو تكون ملانة بدل البدائل العجيبة دي.

لكم التحيا جميعا

الاخت وصال مالك الناس دى ما جربت الثقليه بى التونه بس لو جربت مره ثانى ما بتسيبا خالص
التونه العاديه بتاعةالعلبه البفتحوها بى مفتاح العلب تستخدم بديل عن (اللحمه ) جربو والله مره عجيب طعم لايقاوم

اسماعيل محمد عمر عثمان كتب:والله يا ود الحبوب ملاحك دا يطرش الكلب


طلعته ما عندك اي علاقه بالتباخه ..دي تقليت وين


دي البتونه دي ..ياخي خربته سمعت التقليه


عشان كده يا ود الحبوب خليك في (القطر قام) بس؟؟

يا سمعه والله اخوك طباخ خطير وانشاء الله نتلاقه واقليك حاجه طبيخ من والى كل حاجه بتفكر فيها

المكونات

1/ اسود عدد 8 حبات
2/ زيت ربع رطل
3/فلفل اخضر +بهارات +ثوم
4/صلصه معجون طماط (ملعقه كبيره)
5/ زبدة الفول السودانى (دكوه)
6/ عصير ليمون

طريقة التحضير:-

1/ يقشر الاسود من الطبقه الخارجيه ثم يقطع قطع صغيره قدر الامكان
2/ يصب الزيت على الحله وبعد ذلك يوضع الاسود عليه ويقلب على نار هادئه بعد عملية النضوج يهرس ناعم
تضاف البهارت والصلصه (معجون الطماط)والفلفل الاخضر مقطع صغير ثم يضاف زبدة الفول السودانى ( الدكوه)ثم يضاف عصير الليمون

واقليكم بى الهناء

يا قريبك في داعي للفضايح دي ؟؟؟

انت ما بتذكر لمن خالتك سميره جابت الصينيه

اول يوم وكنا انا وانت قاعدين نظبط في

السلطه قمت انت لمن شفتها ختيت لي يدك في

وشك حركة اب ركشه ديك قمت انا ضحكته

قدام خالتك لمن المره اتعقدت.. لمن مشت

بهناك قالت لي سامي انت الولد الاحمر دا

مالو بضحك .. طبعا ظايا مابقصر ورها

الحنك .. والله ذكرتنا ايام حلوه بجد

كانت جميله ..

.....................................


يا ود الحبوب يا خي ماقلنا ليك فارق


الدرب دا..


ملاح التونه لا هسع بطنا ماراقت منو

كمان جبت ليها صطت اسود ..دا مقس

عديل كده .. يا خي ماتفكنا !!!

المكونات:
* 4 صدور دجاج بدون جلد وعظم
خليط الدقيق
*1كوب دقيق
*1 ملعقه صغير باكنج باودر
* ربع ملعقه صغيره ملح
*1 ملعقه صغيره فلفل احمر حلو
* 1 ملعقه صغير كمون مطحون
* ربع ملعقه صغير فلفل اسود
* 1 ملعقه كبيره زعتر مجفف
* 1ملعقه صغير ثوم بودرا
* 1 ملعقه صغيره بصل بودر


خليط البيض:

* نصف كوب حليب
*2 حب بيض

*ربع ملعقه صغيره ملح

*ربع ملعقه صغيره فلفل اسود


طريقة التحضير :-


تقطيع الدجاج الى 3 او اربع قطع شرائح طويله

خليط الدقيق:
فى طبق واسع وضع الدقيق +المكونات يقلب جيدن الى ان يتم الخلط

خليط البيض:طبق عميق الحليب + الملح+البيض+الفلفل الاسود يتم الخلط جيد

يوضع الزيت فى مقلايه (طوه) عميقه على نار متوسطه

خذ قطعه من فليه الدجاج وقلبها على خليط الدقيق ثم بعد ذلك على خليط البيض ثم بعد ذلك توضع فى الزيت بعد التحمير توضع على ورق نشاف الى انت تنتهى من الكميه كلها .

ثمه بعد ذلك المرحله الاخيره تزين طبق التقديم على حسب الشى الموجود ويفضل الخضروات على حافت الصحن لطعي منظر جميل مع الدجاج المحمر.


واقليكم بى الهنا والشفاء
اه يا سمعه خلينا الثقليه والسلطه كان دى ما نفع معاك والله الاء نجيب ليك دكوه وطعميه

المقادير

كبدة وقلب ومكعبات لحم

بصلة مقطعه

فلفل حلو احمر واخضر

ثوم
فلفل حار مقطع دوائر


نضع الكل في مقلاة (طوه)على النار

نضيف فلفل احمر حلو

ملح

كمون

فلفل اسود

ثم نضيف خليط الكبده واللحم

ونقلبهم باستمرار حتى ينضج


ممكن نزينها بليمون مخلل

وبلهنا والشفاء

والله ده مطبخ مغتربين ابو دجاج ده

بس يا ود الحبوب لو جربت
طرقتين كرسرة + شوية ملاح ويكة + (بليلة عدس) وتخمجه

والله تجنن
وبالهنا

شية الريش
كل عام وانتم بخير
اول حاجه تقيف مع الزول البضبح ليكم خروفكم ولو بقيت انت الضباح بكون احسن ( طبعا مقصود معشر الرجال ) اما الانسات والسيدات توصى يكلمو ليها الضباح
يطلع الريش (الضلع بلحمتها) براها خارج بقية اللحمه
تغسل ونجهز البهارت ( ملعقه صغيره ملح وملعقه صغيره فلفل وتوم وملعقه كبيره خل
)تصب خلطة البهارات فوق الريش وتقلب جيدا وتغطى مدة ساعه ثم نجهز الشواية سواء بالجمر او نشعل شواية الفرن العليا ثم نضع الشواية على النار ونضع عليها الريش ونبدأ فى التقليب حتى تستوى ثم نجهز الشطه بالليمون والدكوه
وناكل ونعزم الحبايب
وبالهناء والشفاء
وكل سنه وانتو طيبين

والله دي الوصفة

ولا بلاش تقولو ملحات
وصال جابت ليكم سيد المائدة بالدرب عدييييل

واتكو الخرفان وجربو

الاخت /وصال مالك طبعا انا عايش مع الريش وبتخيل فى الخروف معلق وقايتو وصلته مرحلة الشطه الخدرا بى الدكوه .

زنة 2 كيلو من فخذ الضأن،

بصله كبيرة مقطعة الى 4 اجزاء، بهارات صحيحة (فلفل،قرفة،هبهان)

زيت غزير للتحمير ، ملح حسب الذوق.

الصلصة:

كوب زبادى، 1 م ك لبن بدرة، م ص معجون طماطم

ملح ،فلفل،كزبرة،قرفة،ملح، ثوم مفروم

الخطوات:

يغسل اللحم جيدا ويوضع فى قدر عميق

يضاف اليه البهارات والبصل والملح

يوضع القدر على النار ويغطى لمدة 5 دقائق

يضاف اليه مقدار من الماء حتى يغطى اللحم

تعلى النار حتى تبدأ فى الغليان ثم تخفض النار

ويترك حتى يستوى اللحم
يؤخذ اللحم من الشوربة (تستخدم لملاح أم رقيقة)
يترك حتى يبرد
تخلط مقادير الصلصة جيدا
توضع الصلصة على قطعة اللحم
تترك لمدة ربع ساعة

ثمّ تحمر فى الزيت
وبالهنا والشفاء

الحبوب كلامو صحي انتو طلعتو مابتعرفو الاكل ونحنا في سنار في الطيران الزراعي مع الخال ربنا اديو الصحه والعافيه خمسه سنه ماشفنا لينا تقليه بي لحم بي كجيك والناس الزيكم كدا بقول ليها تونه ولوجربتوها مابتخلوها