مشتهى لى ريحة حبوبة !!!!!

قالو الماعندو كبير يشتريلو كبير


ودا ما كلام ساكت انها لعمرى حكمة حكيمة محكمة

مدخل ::

لانى عايز اعيد موضوع كان اشرت اليه مسبقاً

وهو يعنى فى مقامه السامى ست الكل ومرسى موانى الشوق والحضن الدافى الكل الناس ظهرت تشتاقهه بى وله شديد ...

طيبة ياشباب وموضوع الشركة التكافلية الاجتماعية ...

هو موضوع طرح من قبل الناس الكبار (كبارنا ) فى طيبة وهم لانهم بشوفو بعين المتفحص الحادب على المصلحة ومن واقع الحدثانات بالحلة ومعايشتهم للواقع من قريب ( انتو ماشاء الله كلكم تتحدثون الان من مرافى السفن لا احد رابط وقاعد فى الحلة )

الموضوع فى نهايتو صندوق كبير يجب ان نتشارك فيه بالقليل لنعمل به الكثير الواجب على الشباب !!!

ويا الشباب القائمين على المنتدى الرجاء ان يثبت الموضوع حتى يولد كيان حقيقى يترجم حالة حبنا جميعا لى بلدنا واهلنا

وياريت لو تعد اجندة ابتدائية ونحن على مشارف العيد وهو لمة كبير لينا فى طيبة ...

اتمنى اتمنى ان نجعل من المنتدى خارطة الطريق للمشاريع التى تفيد طيبة ..

يا ابوصباح الكلام ده درقسونو عندك ..

ده بعد نفضفض يا ود الصديق

يعنى القصة تبقى كده وكده ولا شنو يا سمية...

سخنى الشابات شوية...

ودفور حقيقى الليلة للمنتدى طعم تانى ياريت ما تبخل بى كل تقنية الخبرات العندك ود حقنا فيك ح نقلعو قلع ...


ابو فارس امسك ورقة وقلم وجهز الاجندة انت عارف كتير عن الموضوع ..

وكان حين فى طيبة نتلاقى...

أبو الشيماء

مبروووك يا امجد واول الفيس فطرة

حقيقى لابد من وقفة وموقف نحقق من خلاله ذاتنا فى حلتنا وناسنا واهلنا


الموضوع بالجد كبير لكن نحن نثق فى امكانات شباب طيبة ود حقيقى وليس كلام


الرجاء من العقد الفريد الانتظام فى فلك هذا المشروع الذى انشاء الله سوف يكون شاهذا لكل
من له همة من اجل طيبة

ودمتم

أبو الشيماء

ويا جنيانتا هو لبلب


عوووك اااااااا ناس ارحكم جاي

كلام فاسك علي ارضك بيبقي عديلة يا بيضا



(
بقول غنوات وأقول غنوات

فى البلد البسير جنياتها لى قدام

ولى الولد البتل ضرعاتو فى العرضة

ويطير فى الدارة صقرية

ولو السمحة تلت إيد ومدت جيد

يقوم شايلاهو هاشمية

ويشيل شبال ختفة ريد وفرحة عيد

وريدة روح وحمرة عين وايدية

ويالولد البشيل مدقاقو

قولة خير على القمره

يقابل الجاية متحزم

ويدارك الجاية متلزم

كلام فاسك على أرضك

يبقى عديلة يا بيضا

ويبقى زفاف تزغرد ليه قمرية
وقبال حول تغّيم غيمة قِبلية

ترش الدارة والحدبه الصعيد الحلة

ويا فرحة بتطارد الصفقة فى النسمة الصعيدية

ويا جهرة نهار الليلة بدرية

رحيح جنياتنا فى الحدبة الصعيد الحلة

يا سمحاتنا هو لبلب

ويا قمحاتنا هو لبلب

وياللوز الفتق فى الوادى هو لبلب

ويا سمحاتنا هو لبلب

ويالبحر الطمح مدّادى هو لبلب

سألتك بالذى ركز الارض معبد

وسوى الفاس عليها مقام

سألتك بى حشا الأُمات ودمعاتنا

سألتك بى كبيداتن ودعواتنا

شليل وين راح

يكون ضل الخريف فاتنا

شليل وين راح

وزى برق السماك الجابها دغشية

وزى زغرودة البطن الكبارية

مرق من شامة القمره

ومقدم بالعديل يبرا

تعالوا أبشروا آجنيات

شليل ماراح شليل ما فات

شليل عند المسورو حرق

بقالو حصاد

شليل فوق التقانت قام خدار وبلاد

شليل مسدار شليل مشوار

شليل أرضنا يا جنيات

شليل قايم نصاصى الليل

يتمتم ليلو وردية

حرازنا شليل شليلنا دليب

شليلنا دليل على البلدات

بعد درب التبلدية

شليل ما راح شليل ما فات

شليلنا ونحنا همباتة ومهاجرية

مزارع بات على عشقين

تراب بلدو وسماح فوق بت مزارعية)

لك التحيا اخى / ابو شيماء نحن من خلفكم ونشد من ازركم .

الفينا مشهودة عارفانه المكارم نحن بنقودها والحارة بنقودها
الزول بيفتخر ويباهي بالعندو نحن أصحاب شهامة والكرم جندو
مافي وسطنا واحداً ما إنكرب زندو
والبيعجز يقع بيناتنا بنســــــــــــــــــــدو

وحتى يبقى الكلام حلو لابد من حجر يكسر ثبات البحر الهائج فينا...

تعالو نقترح اجندة ابتدائية تنفذ فى عطلة العيد ... وامكن انا ظروفى عملى تمنعنى من العيد فى طيبة بس اوعد انى ح اجى حتى ولو غبشة ليل....

اقتراحى للاجندة ...

1. ترشيح لجنة تسير ودعم للمشروع .. يعنى نختار اشخاص لهم الجدية الكافية ومشهود لهم بالمبادرة ..
يعنى ( الموية الحارة ما لعب قعونج)

2.حسب تجربيتى السابقة لابد من اختيار ناس حااارة
كانت نقصت الواحد يتم من عندو ويسكت .

3.مقترحات لى اعمال جديدة لفائدة القرية تكون سهلة وخفيفة عشان تنجح كويس..

4.اعداد نشرة شهرية تفاكرية من اعضاء المنتدى انا متعهد اطبعها وارسلها لكى توزع فى طيبة عبر المساجد .

5. --- والباب مفتوح لاى اقتراح تحسو ناو يدفع الى الامام ...

وعشان طيبة لاتبخلو بان تاخدو نفس عميق وتفكرو فى اى موضوع او فكرة تدعم ثورة جديدة عشان طيبة حلوة وفريدة

وفى ضل البنية راجيكم ..

أبو الشيماء

انت بالذات يالحبوب لازم تبقى قدام عشان تبقى نيسر السرب واكيد معروف الفيك
ووكت حوبة جاى