الزمن الجميل

الاخوه والاخوات بالمنتدى كم يسعدنى ان اذكر انه كان لنا مسرح فى قريتنا الحبيبه طيبه ويحلو لى ان اقول انه مر على طيبه فى الزمن الجميل زمان مثلت على مسرحها مسرحية طه وريا وكانت البطوله للاساتذه فطاحلة العلم والمعرفه ومربيين الاجيال الاستاذ احمد العوض عبد السيد والاستاذ عثمان محمد خليفه احدهم مثل شخصية طه والثانى شخصية شيخ العرب ..وبهذه المناسبه نفتح لكم المجال فى هذه المساحه لمن قرأ اويحفظ من قصة طه وريا وشيخ العرب ان يشارك لانها ادب سودانى جميل يعكس حياة الباديه وبديهة العرب فى نظم الحوار شعرا ونم ودوبيت

وبسم الله نبدا للتشجيع قال طه :
أخوك يا ريا وكت الخيول بدبكن
أخوك يا ريا وكت الرماح يتشبكن
اخوك جبل الثبات وكت القواسي بحبكن
كم بكيت وكم قشيت دموع الببكن

قالت ريا
كعب نوم العصير ياأخويا
احكي ليا :
طه بحكى ليك صحيح الشفتو ما بتقابه ،،، أمس العصير أنا وانت جايين من الغابة ،،، بينا والفريق أتولعت تقابة ،،، وقت النار علت تاني ماشفت فريق.
وقت البهم بعدا قمت لكسعه براك ،،، جن كور صغور تبراك ،،، تبيت بعجل شافني وطاراً ,,, ما طارا بيعد جن أقدلن وأتبارن

جات ريا من الخلاء وشيخ العرب ورجال جالسين على طرف الطريق واحد منهم واعتقد أحمد الحاج
لا سلام لا كلام صح توب العرب لام
ريا : أنا المتلي ما بتلام
انا بت الرجال أهل الدرق والسيف ،،، أنا بت الرجال المابهم بحساب الخريف والصيف
هرشها راجل منهم : من وين فى العرب ،،،كفاك فخر يابنيه
ريا : أنا بت البيوت المن هناك معنيه ،،، نفوسنا عاليه وتاني هنيه،،، انا بت ابكبس في النسبة بطحانية
انعدل شيخ العرب وقال:
عبد الله ابكبس هيلك صحيح تفتخري ،، أبوك فى القبايل كان ديمه الدخرى ،، سكينه ديمه حمرا ....انشاء الله السكه دي أخوك طه ما تخطاها
ريا :
لا يفوووت لا يمووووت السكة ان اتخطاها
وضيوف الهجعة اعشيهم مراره
وشيه والى اللقاء فى ذاكرة قادمة[center]

ريّه: كما بسد مكانو قدم ليه يطاه
لا يفوت ولا يموت السعى وت مغشيه
تُهابه الفريق يوقد صباح وعشيه
زايد فى الرجال طالق غفايه وغشيه
ضيوف الليل يكفيهم مرارة وشيه
شيخ العرب: مادخلت التراب البركه فى الزرّيه
والخلاك وراه ماهو المات يا ريّه
دايماً فى القبائل سيرت ابوك مطريّه
بيك وبأخوك تزيد ودى المحريه

طه: سلام شيخ العرب مرحب خريفن الزارنا
مرحبتيت حبابك واشرفنبو ديارنا
مرحبتين حباب البيه كل مزارنا
تنزل فى الدرب ليه ماتت نارنا
شيخ العرب: حباب طه الضرس الفى الصهيباب راس
الجود والكرم هيلك قديم ميراس
نارك ما بتموت يا ولدة الحُراس
قاصدين أم شديدة ومعانا عوجة راس
طه: لعدوك العوجات فى الكبس سراى
راسك ما بدوس مليان رجاله وراى
باكر لأم شديدة بركب معاك براى
يا شيخ العرب لكن تختو كراى
(كراى دى لخمت شيخ العرب ما قدر يعرفها قال لطه)
شيخ العرب: هادى الشورة يا طه القلبنا دليلا
كل البنزلو فيك نلقاهو قليلا
طه: كراى الدايرو تبقوا ضيوفى انتو الليله
ترقدوا فى الفريق حتى ان عشاى بليله
شيخ العرب: مسكنا الدرب اسرع قوام ما تلعب
ودارك ديمة عامرة والسمح ما بتعب
بكفينا الوصف لا تشد جمل لا تتعب
وهدنا الطريق عقب الوصول ما يصعب
طه: يمين تخشوا الفريق بتفوتو نحن مغابر؟
شيخ العرب: ما تهدم فرحنا انشاء الله آمر واياك مرسى العابر
مشطوطين خلاس مسكن فى الزمل لزم خاف عوجة الطريق من للمغور خابر
طه: دريب جابر مزم والسكة سالكه ورايقه
فرقان ما بلاقوك ما بعقوك عايقه
أخت خاطرن نحن قالوا واصله السايقه
بتتراوح ام شديدة باكر وماملك فايقه
شيخ العرب: الزول إن وعد شين كان ميعادو يخلفو
وفى ربط اللسان يسخابو دمو يتلفو
سفرى الليله زولين فيه ما بختلفو
ضرورى اصل ام شديدة على وعد بحلفو

القصة دي أنا سمعتها مع أبونا أعتقد اسمها ملحمةالمك نمر بالجد جميلة والراجل البحكيها باين عليه ممسوخ شديد أنا ماعارفة عنها حاجة أبونا بنفعكم بس قلت أقح معاكم يلا أتحفونا.
نفسي أشوفك ياوصال أو حتى أتذكر اني شفتك........

مشكوره الاخت/وصال امكن انا مثل الاخت فاطمه لم يتثنى لى مقابلتك رقم انى حضرت لزيارة ابنت خالتى فى مكان العمل فى ذلك الوقت كنت تعملى فى نفس المكان الذى كانت تعمل فيه وهى من ام دوم اسمها ( قاده الحاج) ولقد حدثتنى عنك كثيرا وهى تثنى عليك كثير ولقد قصدت ان اقابلك فى احدى الايام ولكن لم تشى الاقدار بما انى كثير الترحال مابين طيبه والخرطوم وبورتسودان فى ذلك الزمن وهاهى الغربه اكملة على الباقى.
ليس لى فكره عن المسرحيه ولكن هذه مشاركتى.

يبدأ طه :

أخوك يا ريا أخوك وكت الخيول يتدبكن
أخوك يا ريا أخوك وكت الرماح يتشبكن
أخوك جبل الثبات وكت القواسي يحبكن
كم بكيت وكم قشيت دموع الببكن ..

ريا :
وراك أسود عليّ ما نمت هسع طيب

طه :
ها بسم الله قولي ..
أخوك طيب وشديد وحاضر وعقلي ما هو مغيب
عل الشفتو في النوم من هوايلو يشيّب


الزول في الصحي مخدوم عليه شقاه
وإن غمد شوية تجئ الهموم لاحقاه
الصف اب لبيس أنا ما بخاف لقياه
يا ريت الحلم في محياي كان بلقاه

بعد التحيه ماشاء الله عليكم القصه ماشه تمام ولسه منتظرين متابعة الحكايةوشدو حيلكم ...كلامن سمح زى ماقال جندى ودالزين رد الله غربته يلا امتعونا.....

تحياتى ليك يافطومه وفعلا نحن لم نتقابل وانا خلطت بينك وبين هدى ..لكن انتى صغيرونه لم يتسنى لى لقاءك اتمنى ان تجمعنا الايام فى ساعة خير او عند الاخت الفاضله امل عوض الكريم ..رد الله غربتك واسرتك سالمين غانمين

الاخ ودالحبوب ازيك اتمنى ان تكون بخير فعلا 1لاخت غاده الحاج كانت دائما تبلغنى تحياتك ..مشكور عليها ..عندما عرفت اننا من منطقه واحده .كانت تعمل معى فى مجمع فتح الرحمن البشير .وفرقنا الزمان عندما تم نقلى من المجمع وعرفت انها تزوجت ولم التقى بها ثانية تحياتى لها وامتنانى لك

نواصل حوار طه وريا
عندما فسر طه الحلم لريا قالت :
تف الشينه ليه فاجعني ليه يا طه
انت الدغري وانت الكاشفه ياك غطاها
كان الدنيا هادي العقبة تتخطاها
ما بضلل سماها وما ابتشيلني وطاها
وبكت ريا
طه :
ما بفيد البكاء وكلامي احسن تنسي
ردت ريا
كيف ما ابكي وكيف افوت مراتع انسي
افقد كل شي عزي ورجالي وانسي
تطلق فوقي نار عقبان تقول لي انسي ..
رد عليها طه: فال الخير أخير ما شفنا شيناً جدت
كلا لشفنا أحلام في طريقه إتعدت
قبل الليلة إيد لحمان قطْ ما اتمدت
ما بنهد شرفنا لو السماء إنهدت
قالت ريا : خير إنشاء الله خير والخير مساك وصباحك
والفال السمح فالك يضوي مراحك
بالضيفان أشوف عامر تملي مراحك
شينك ما أشوف وأشوف هناك و أفراحك

ما بعرف ازواق من نشيت تبيت
فريقكم لى فريق وبيتكم يمين بيت
اجيكم ديناً علىّ ان بقيت حفيت
هاك وعداً نجيض أرجاه بكره مبيت

شوفتى للفريق أيام بُكى أبواتك
موغابينى حال وسمعت بأخواتك
فريقك بكرة نحن ضيوفو وما بفوت وحياتك
الا احققك وبراى اشوف نفحاتك

يا ود الهميم النفسُ مومعارضاه
كرم الضيف عليك مكانت ابوك فارضاه
جايك فى أمر أن تاب وان ترضاه
غيرك ما بكوس واملى بس تقضاه
طه: غرضك مقضى إن احتاج لخيل وجمال
والضان والأبل سارح يمين وشمال
شيخ العرب: فوق القلتو أنا لىّ فيك آمال
طه: ها الغرض بدمّى دا أقضاه خلى المال
(دا ماشى بجاى ودا ماشى بجاى لكن طه عرفو داير شنو)
شيخ العرب: سمح وين الدرب خطرنا
طه: دربكم فى السلم
شيخ العرب: والله تب ما ودِرنا
وبكره نجيك إن قلينا
والله كترنا
(وقاموا فاتوا)

ياود فور شيخ العرب ناوى يدى طه شاكوش مش ؟

(باكر بتكلم طه مع بت عمه)
طه: فى البال ضمير شيخ العرب متعوب
وقايم نفسه يختف فى الكلام مزروب
الراجل زمان كان ضحوك ولعوب
موخاتك شى ما شفتى كيف مرعوب

حمد وددكين مرتع دياره وربعو
دا الشىء السمعتو من الأباء والتبعو
الراجل فعايلو بينيلك من طبعو
أنا ود الخلا البعرف أسودو وضبعو
ريه: شين كان يخلف الليله ميعاد جيتو
رجال وحريم عموم أهل الفريق فى رجيتو
قطع السارحه كل زول فى مراحو وسعيتو
كبار وصغار وحتى الراعى خلىّ رعيتو
طه: مُحال يخلف مُحال قال جايبو غرضاً عندى
ريه: كان قرض صعب
طه: كان راس نمر فى شندى
أو عدتو اقضيه وابزل كل جهدى العندى
كان بالمال كان برّاى وكان بزندى
ريّه: هيلك قديم انت البجيك تحجالو
لكن وددكين عاصر بدين برجالو
(تشعر بيها انها عرفت حاجه)
[right]

ازيك يا الوصــــــال
مشتاقيــــن جدا مطر عديــل ، أمس مع أم أحمد الليل كله في سيرتك ،، الزمن الجميل ،،،انا كنت بتطلع على المنتدى ومداري وراك انت وحافظ عرقلة وعامل زايغ لكن أظن الحيطة وقعت issa.mg555@hotmail.com

قال طه
:
وانتي كمان رأيتي صقور عباره غريبه
علامتا كافية ظنيت الحكايه قريبه
هاك مني الصحيح الما بتدخلو الريبه
هادي الحله بي عيني أشوف تخريبه
قالت ريا:
تف الشينه ليه فاجعني ليه يا طه
انت الدغري وانت الكاشفه ياك غطاها
كان الدنيا هادي العقبة تتخطاها
ما بضلل سماها وما ابتشيلني وطاها
وقعدت ريا تبكي:
رد عليها طه وقال :
ما بفيد البكاء وكلامي احسن تنسي
قالت ليه ريا :
كيف ما أبكي وكيف أفوت مراتع أنسي
افقد كل شي عزي ورجالي وانسي
تطلق فوقي نار عقبان تقول لي أنسي
كنا في سيرة لقاء طه وريا وهم بيحكوا لي بعض قصة الحلم

مسرحية المك نمر


1- الجزء الاول

2- الجزء الثاني

3- الجزء الثالث

4- وكمان الرابع

5- واخيرا الخامسة

6- وفي الاول بتظهر عندك زي دي وبعدين نزل الملف عندك في الجهاز واسمع بي مزاااج ممكن برامج ريل بلير أو VLC وده احسن





------------------------------------------------------------------