عاوزين استفتـــــــــــــــــــــــاء!!!!

تعرف يا احمد الواحد بقى ما بشاهد الغنوات السودانيه من كثرة الكلام عن الاستفتاء والانفصال وبعدين طيبه دى مثال للوحده والتعايش السلمى كل قبيله فى السودان موجوده فى طيبه يعنى الوحده احلى منها مافى.

والله يا احمد اشتقنا لى كتابتك ووصفك للمواطن السودانى :
الذى ينام على انغام العصفور
والسجمان ورمدان ووسخان وخمجان و و و ...الخ

وحدة طوعية تقوم على تبادل المنافع والاحترام المتبادل بعيدا عن الابتزاز وإلا تسريح باحسان

ياأبو حميد عليكم الله خلونا بعيدا عن السياسة وسخافاتها نحن هربنا لكم، عشان الراكوبة الظليلة والمسادير الجميلة ، وخلونا نهرب من الهموم والمشاكل ضرب ،قتل ، غزو ضيعوا متعة الحياة

تسلم ياحبيبي ياأحمدانا سعيد جدا جدا بهذا التواصل وهذه الحميمية التي أراها تسود منتداكم العامر وعفوا لو تسللت بدون أذن لكن ذي ما عارف حب طيبة جارف ولا يعرف الحواجز والرتوش الإجرائية،، وقريبا سينضم كثيرون لهذا المنتدي الذي روجت له بإندهاش

لاأدعي الفهم في السياسة بس كخيار أختار الوحدة لأنو نحن مع بعض يادوبك حاسين بالأمان لما نتقسم نبقى مطمع لي باقي الدول والله نميمة ساكت يخلونا نقتل بعض ولا البعاد ديلك يمين يومين يخلصوا علينا اللهم أحفظنا بلادنا وأهلها ولاتكتب علينا الا كل الخير يارب.