بلداً هيلي نا
بلداً هيلي نا..
دموعها .. دموعي نا ..
أساها .. أساي أنا ..
ضميرها .. ضميري نا ..
كل آمالي نا ..
السلام يملاها .. يطلع من هنا ..
و الحَمَام يتشابى
تقدل طفلة حلوة و بين إيديها كتابا..
و الحبوبة تمسح بالحنين أثوابا..
و القمرية تصدح..تستريح دبابة..
و القطر القبيل يمشي و يشق الغابة..
البالمبو يفتح للقلوب أبوابا..
و النُقارة زي أم كيكي و الربٌابة.
البلد الحنين ..سميتو يُمٌة و يابا...
بين العالمين ..عزة و جمال و مهابة..
الحزن القديم ...تمطر تزيلو سحابة..
لا أطفال حزانى...لا نازحين و غلابة.
في العصرية ..شٌفع جارية لألعابا..
و الشاي في المغارب ذكرياتو صبابة..
أشجار التبلدي العامرة بالترحابا...
وأشجار النخيل..و قُدرتا الخلابة.
ناس من كل لون ..إتعمٌرت أنسابا
و النيل في الهجير...دوٌزن وتر أعصابا..
سمحة الدنيا..بيك..و بين إيدينا حبابا..
يانا أهل بلدنا و قُدرَتم غلاٌٌبة
بلداً هيلي نا..
دموعها .. دموعي نا ..
أساها .. أساي أنا ..
ضميرها .. ضميري نا ..
كل آمالي نا ..
السلام يملاها .. يطلع من هنا ..
و الحَمَام يتشابى
تقدل طفلة حلوة و بين إيديها كتابا..
و الحبوبة تمسح بالحنين أثوابا..
و القمرية تصدح..تستريح دبابة..
و القطر القبيل يمشي و يشق الغابة..
البالمبو يفتح للقلوب أبوابا..
و النُقارة زي أم كيكي و الربٌابة.
البلد الحنين ..سميتو يُمٌة و يابا...
بين العالمين ..عزة و جمال و مهابة..
الحزن القديم ...تمطر تزيلو سحابة..
لا أطفال حزانى...لا نازحين و غلابة.
في العصرية ..شٌفع جارية لألعابا..
و الشاي في المغارب ذكرياتو صبابة..
أشجار التبلدي العامرة بالترحابا...
وأشجار النخيل..و قُدرتا الخلابة.
ناس من كل لون ..إتعمٌرت أنسابا
و النيل في الهجير...دوٌزن وتر أعصابا..
سمحة الدنيا..بيك..و بين إيدينا حبابا..
يانا أهل بلدنا و قُدرَتم غلاٌٌبة
https://www.youtube.com/watch?v=3BAr-h23To8
والله يا شباب عارف محل الاغنية ما هنا بس والله لانو الناس بتمر كتيييير بجاي قلتا انزلا
وعشان حاجة برضو بتهمني
وعليك الله يالمشرف ما تحولا
فشكرا لكل المساهمات الحصلت وربنا يديكم العافية
والامن والسلام
والله يا شباب عارف محل الاغنية ما هنا بس والله لانو الناس بتمر كتيييير بجاي قلتا انزلا
وعشان حاجة برضو بتهمني
وعليك الله يالمشرف ما تحولا
فشكرا لكل المساهمات الحصلت وربنا يديكم العافية
والامن والسلام
ابو فارس 
