بحر العبير !!!!!!!!!!!!!!!!!!!

بيني بينك قسوة الليل والمسافة
سهرة يومياتي..بتشيلني
لى فصولك ..واختلافا
يا جواب ..فتّر سؤالى
في دروبك..ناسي حالى
نفسي اتوسد هضابك
اسكب الروح في ترابك
أبقى في لوحك شرافة
بيني بينك قسوة الليل والمسافة
***
وبيني بينك سر كبير
ريدة للنفس الأخير
يشهد الشوق البطير
فوق جناحات الأثير
اني يا ( بحر العبير )..
لى عويناتك أسير..
يا مكملة بى عفافك
حلوة زى موية ضفافك
يا مأصلة يا قيافة
بيني بينك قسوة الليل والمسافة
***
وبيني بينك سر اضافي
لاهو باين..لاهو..خافي
همسة في بوح القوافي
نابضة من وجع المنافي
ارتعاشات ..المرافي
والسهاد الطال موافي
يامواسم فرحة جاية
بيّنا ممتدة الحكاية
وريدنا فوق ليل المسافة
وبيني بينك قسوة الليل والمسافة
***