زاد المسافر

لابد تلبس فد هدم لابد بالطوب تردم..لابد يجوك يتلملموا لابد بيتك يهدموا ..من فرقتك ما اتالموا يدفنوا فيك ويتكلموا..مهما مشيت الاغتراب وان طرت زي طيرة الغراب اصلك مبشر بالخراب لابد ترجع للتراب..مهما بنيت بيتك سطوح ولو الله اداك عمر نوح لابد عليك الناس تنوح تدفن وفي الطبقات تروح..يا اخوه لا تابوا السلام اطرا العمير اعمل حساب يوم الزحام ..لله افنيه الشباب يمكن تسافر وانت شاب ..كن ملتزم ما تسوي شر كان دايمه وين خير البشر ؟؟؟كن لغيظك كاتما كن للدنية شاتما كن ذو كرم زي حاتما كان دايمه وين الخاتمه؟؟ في الدنيا لو طالت السنين لابد يوم تصبح تلين ما بحلنا البكاء والحنين اين الرسول طه الحنين؟؟؟ماشين بلا طيبة عمل غير الضنين ما لي امل ..اين اصحاب الرسول ؟اين الرجال اهل الاصول؟ اين اصحاب الوصول ؟فلاح وناس حسب الرسول الدنيا صح كان فيها خير ما شالت الافضل واخير ..اصلو الدخول جوه القبير لابد منه انشاء الله خير ..ساكنين منازل يكيفن لابسين ملابس يلصفن بعد الهدوم نلبس كفن ثم الحنوط من العفن ..هذا التراب شال الامم هذا التراب هدم همم هذا التراب نزل عمم هذا التراب ساتر رمم ,, هذا التراب لو فاكرين شال الرجال الذاكرين لابد طريقهم سالكين علي ربنا متوكلين ..هوي يا تراب فيك كم صبي عاميه وكم منصب ,,يا صاحبي كان ماك غبي تحته الرسول طه النبي يا رب ليك متوسلين بطه سيد المرسلين في يوم قبيرنا الداخلين لبس عفوك المسلمين ..امة حبيبك يا رحيم اعفاها من لظي والجحيم في الدنيا دي تعيش في نعيم والاخره في الفردوس تقيم ..للدنيا لمينا الحصاد للاخره ما سوينا زاد يوم اليطول فيه السهاد اعفانا يا رب العباد ..هذي الصلاة وتسليمي حي للمصطفي والمختار نبي كل من له علاقة فيه يسلم ميت وحي...عليه افضل الصلاة واتم التسليم