رساله من ابن باديه الي امه

امي يا بت العبيد يا الملكه وماك متزعمه ياساريه في الزمن المحل يا ضل علي البلدات رمي يا الكادحه من اجل الوليد عشان راسه تصبح في السماء يا الفوقها مافي غير الله شئ حتي الله ذاته معظمها والجنه ايه تصبح معاك ارخص واقل من مقدمها كايساها بالكرعين حبت في قاع مداسك مرغمه يايمه شوق قطع حشاي وا وجعة دمعه الهما اشتقت لمطر الخريف وقتين حفايره يحزمها كوعت فوق العنقريب بتشرف العيش النما العفرت تتقطع رحض منظر دواخلي ياذما مرصوص متل عقد الكنار منضوم علي جيد السماء اتحكرت فوق بنبر حطب قهوة ضحي وجلسة لمي خيلاني واعمامي الكبار خالاتي والجد العمي ونسه وضحك وقرقراب متفائله بالضل الرمي والتايه بت عوض الكريم المالكه قلبي مقسمها منصره في طرف السرير نادتنا هي اصبحتوا كيف؟ بيناتنا شاشاق الحطب همسات دقاق مو همهمه قالوا ليكم ابقوا علي الفطور الليله امي مكرمه ونواصل غدا باذن الله

امي يا اجمل كلمة بقولا يا احلي نشيد يا نغمة جميلة
ربنا يدي اماتكم الصحة والعافية ويطول ليكم في اعمارن
وحافظو عليهن لانهن نعمة كبيرة جدا الاحساس بفقدها مولم
اليوم 4 سنوات و6 شهور علي رحيل امي يا مها ربنا يرحما ويجعلها من اصحاب اليمين في الجنات العلي باذن الله مع الصديقين والشهداء

ضرست ما راعيت كبير هييي التايه كيف؟انشاء الله خير قالت لي شديده والا عيب وسط الرجال بتناقما وطب قبلت ما شفت غير كفن رطن كادرا طريحه محشمه.في اللمه واضيعة رجاك ان ولدك اطشطش عمي انداح تبع زخب المدن وضيع بداوته وحطمها وسلام من البلد السجم سموها يمه العاصمه كان شفت ولدك ضاع زمان تايه مباري العولمه وماياهو ضرغام الرجال الكان قبيلته معظما ياحليلوا روبك والسمن يا حليل لاذئذ الاطعمه ضوق لساني طعم جديد بيرقروجامبو المفرمه ومعدتي ذاتها اطوطت ومااظن عصيدتك تهضمها خدعتني كندشة الوهم حمام وريحه وهندمه .راجايني فوق النار اقع راجياني وانا الشمس ما بلزما راجياني فوق دلوكه اهز دايراني اسل سيفي وارذ والعب مع التوم ودحمد صقريه درقه محكمه وانا داب بقيت سيد الرقيص مرات قرد مرات كتفي ابرما راجياني بصوت العنج اركز مع السر وادما شبال من التايه واهز طاقيتي اشنقا وابرما فوق ضهري داداب العنج واصفاف نازفا الدمافي اللمه ولدك ضاع زمان زمان وحكايته صبحت مؤلمه باريت لؤي وقصي ومي وين تاني ناس كاتوم واداما اصبعات حمر وجسمي يابس وضهري الممسح بتلصف راقد لحايفه منعمه مااظنوا بتحمل لبع والخرشه ما اظنه بلزما سروالي ما يا هو القبيل سدريتي جكه مجضمه حاجات مجبصه كلها وطاقيتي كاو بوي نما .والكاوي قلبي وشاويه شي كان شفت واحده مقرضمه لابسه البناطلين زينا والله ما تفرزيها بت كان فاقده شنبها تبرمها .لكنه مهما الزول بعد غطايته القبيل ما بهدما جايك وشايل بقجتي جواها ورقه مختمه اياهوا حلمك وجبتوا ليك يا داب جم ريقي من الظما اتمني من الله الكريم يمد في ايامك اقدما وتحجي في كل عام يهل وتعودي يا يمه سالمه وغانمه.