شكر واقتراح

بسم الله الرحمن الرحيم
اهلي ناس طيبة الطيبة الفي المنتدي والخارج المنتدي بشكرككم كتييير لموافقتكم قبولي عضو في منتدانا وبناشد كل الناس الاضطرتم الظروف الرحيل (البدني) من الحلة المشاركة الجادة في منتدي حلتنا الرايعة عشان نقدم مايساعد قي رفع القرية فوق فوق فوق.............
وبقترح عمل اجتماعات دورية لكل المشاركين في المنتدي عشان
1-يتم التعارف بين ناس الحلة وناس الحلة الماساكنين فيها
2- نتفاكر في معرفة احتياجات الحلة الضرورية والاساسية حسب الاولويات وكيفية تنفيذها

والماعندو قروش يساعد بالراي ورفع الروح المعنوية

بسم الله الرحمن الرحيم
بشكرك يا ابو فارس واظني اقترحت التعارف عشاناعرف منو ابو فارس وامثالو........
وكما تعلمون انا واحدة من مئات الشباب في طيبة(رغم اني ما ساكنة فيها)لكن حبي الشديد للحلة هو ما دعاني للادلاء بارائي واقتراحي وقد تكون صائبة او خاطئة لذا افيدونابداية الاقتراحات
1- حصر عدد شباب الحلة من سن 18 سنة فما فوق
2- تكوين رابطة باسم شباب طيبة(ودا لا يعني انو الما شباب ما معانا(الماعندو كبير يشتري كبير)....) ويتم تسجيلها فعليا في تسجيلات الروابط
3- تكوين مكتب تنفيذي من الشباب حتي تسهل عملية الحركة والخدمة
4-نقرر رسوم شهرية علي الشغالين والمغتربين ورمزية من غير العاملين اضافة الي دعومات الحكومة والخيرين
واذا توفقنا في جمع المال .......
1- نشتري مواسير اسبستوس كبيرة لتصريف مياه الامطار من الزقاقات لتسهيل عملية السير
2- عمل ردمية تراب احمر من الكنار حتي اخر محطة مع مراعاة تصريف مياة الامطار ودي مساحة كيلو او اقل
3-عمل مشروع انتاجي (دواجن لاحم،بياض،زبادي ،جبنة ،مش، اعلاف تسمين وحلوب) وغيرها من المشاريع والزام المواطنين باشراء من مثل هذه المشاريع التي تخدم الحلة
ما يدر من المشروع يستخدم في خدمات اخري
اضافة الي ان مثل هذه المشاريع تساعد في مكافحة العطالة