سلام..
زي ما فهمتو من العنوان انه دة قاموس بس قاموس شوية مختلف, والقاموس دة موجه لفئة معينة من الناس.. وابدا الفئة دي بأخوانا ناس الشهادة العربية المشوا يقروا الجامعة في السودان وبيصطدموا انه في كلام كتييييير ما بكونوا ناقشنوا او فاهمنوا..فتقوما تقروا القاموس دة كويس و تحفظوا عشان اخوانا ناس الشهادة السودانية ما يسطحوا بيكم و تجيبوا في مادة الشفتنة 100%
اما الفئة التانية فهم اخوانا المغتربين البنزلوا اجازات للسودان كل فترة و فترة و برضو بيصطدموا بأنه في كلام بكون بالنسبة ليهم زي كلام الطير في الباقير وبكونوا عاملين زي الأطرش في الزفة..
وبرضو اهلنا الكبار ناس بابا و ماما البكونوا ما مواكبين و بكونوا ما فاهمين اولادهم ديل بتكلموا عربي ولا شي تاني
وآخر فئة الناس التفتيحة البفهموها وهي طايرة او حتى بيلحقوها قبل ما نطير..
وحسي نبدا بالقاموس ..ونبداهو بالكلمات البسيطة ونتدرج حبة حبة
بشكة = فردة : زول صاحبك شديد
حناك = زول كلامه حلو وبخش الراس طوالي
دبيب = ضفادع = ورل : وديل الناس البمشوا اي حتة وحم ما مدعوين.. والورل دة اخطر شي اعملوا حسابكم
مرطب = هايش و كباب درايش : زول مرتاح وحالتو المادية تمام
حفار = شفت = مفتح : زول بعرف اي شي
مسطح = فارة = طيرة = ما ناقش = كيسه فاضي : زول ما فاهم اي شي
ركبه التونسية = دقسته : يعني غشيته او خدعته
ربة : حفلة واظن دي معروفة
الحاجة دي دسيسة = كاسرة فيني ضلع = قاطعة فيني عرق = كاسر فيني ربس : عاجباني شديييد
اتجدعت : انبسطت او اخدت راحتي شديد (طبعا امي بتكره الكلمة دي شديد)
عاضة : بايخة
ضحاكات = فاصوليا = تشديرة = كنجالات : قروش
هواه قايم = فلسطين : مفلس
فاكة منه = ضارب سلك = لافي صينية = مجنون
شديدة = شرط للأرض : سمحة شديد
اتلحس : مات
سطالايت = راكب فيل : زول مسطول
اتفقع = اتسرق
شتات خالي محطات = رافع القزاز : فاتح لينا وما شغال بينا
كاسر كرونة : زول قاعد في محل بحبه
رمتالي : شماسي وما شابه
شرحبيل احمد : لمن الزول يتشرا
بلف : كمساري
كرسي الشهيد : الكرسي الجنب السواق
كنبة شكرا : اخر كنبة في الحافلة
حبكانة : حب و ريدة
عمك : راجل كبير
عضة = تشومة = منجرية : اكل
حديدة : عربية او سيارة
قرض : خلص على كدة او قفل على كدة
اب صفيحة : عساكر
اعمل نايم : انسى وما تشتغل بالموضوع
الفي قلبه هاجر كباشي براهو بتشبتشب = الفي قلبه حرقص براهو برقص : الي على راسه بطحة
لاند كدر : كداري او ماشي على رجليهو
شغال في شركة لافي : عااااااااااطل
كبس = كل ستة في حتة وكل جركانة في مكانها : كه تمام
جولة حول الدولة = عندي لفة
اتفكفك = شتت = اقطع وشك : امشي
مدردقة = ماشي الحال
دامة : بنت
10 قافلة : ودي عبارة بستعملوها في الكتشينة ومعناها الولد دة وجيه شديد
ماكل كباب : محوص
التعامل انجليزي = فارز عيشته : زول براهو وبقولوا عليهو برضو ابو ذر الغفاري
دق جرس : شاكلني
ضباح : ( ضبحني ليك ضبحة) يعني فكاها فيني او كضب علي
قداد = براي : زول كلامه كتير
اعمل ببيتو : خليك باين معانا
وبرضو الكوبيوتر ما سام من الكلام دة
hp تقيل : حب تقيييييييييل
color ولا ما color : البت دي سمحة ولا ما سمحة
سليرون ولا انتل : يعني جماله طبيعي ولا مضروب
عايزة كي بورد تقيل ولا alt+ctrl+delete : يعني بت راسها خفيف ولا عايز ليهو حنك تقيل
وفي النهاية و بمناسبة قاموسي دة قالوا ليك واحد عمك سمع باب بيته بيدق قام مشى فتح الباب.. لقى ليهو واحد وقام اخونا دة قال لعمك : يا جلك الفارة ولدك دقس و اتلحس وهاك دة شيرينق شرديت من الشباب وفي فرد قالوا بلفان وفلسطين.. يا حبة نحن مشتتين يا مان, تشااو
عمك قفل الباب وهو ما عارف انه جابوا ليهو خبر وفاة ولده.
زي ما فهمتو من العنوان انه دة قاموس بس قاموس شوية مختلف, والقاموس دة موجه لفئة معينة من الناس.. وابدا الفئة دي بأخوانا ناس الشهادة العربية المشوا يقروا الجامعة في السودان وبيصطدموا انه في كلام كتييييير ما بكونوا ناقشنوا او فاهمنوا..فتقوما تقروا القاموس دة كويس و تحفظوا عشان اخوانا ناس الشهادة السودانية ما يسطحوا بيكم و تجيبوا في مادة الشفتنة 100%
اما الفئة التانية فهم اخوانا المغتربين البنزلوا اجازات للسودان كل فترة و فترة و برضو بيصطدموا بأنه في كلام بكون بالنسبة ليهم زي كلام الطير في الباقير وبكونوا عاملين زي الأطرش في الزفة..
وبرضو اهلنا الكبار ناس بابا و ماما البكونوا ما مواكبين و بكونوا ما فاهمين اولادهم ديل بتكلموا عربي ولا شي تاني
وآخر فئة الناس التفتيحة البفهموها وهي طايرة او حتى بيلحقوها قبل ما نطير..
وحسي نبدا بالقاموس ..ونبداهو بالكلمات البسيطة ونتدرج حبة حبة
بشكة = فردة : زول صاحبك شديد
حناك = زول كلامه حلو وبخش الراس طوالي
دبيب = ضفادع = ورل : وديل الناس البمشوا اي حتة وحم ما مدعوين.. والورل دة اخطر شي اعملوا حسابكم
مرطب = هايش و كباب درايش : زول مرتاح وحالتو المادية تمام
حفار = شفت = مفتح : زول بعرف اي شي
مسطح = فارة = طيرة = ما ناقش = كيسه فاضي : زول ما فاهم اي شي
ركبه التونسية = دقسته : يعني غشيته او خدعته
ربة : حفلة واظن دي معروفة
الحاجة دي دسيسة = كاسرة فيني ضلع = قاطعة فيني عرق = كاسر فيني ربس : عاجباني شديييد
اتجدعت : انبسطت او اخدت راحتي شديد (طبعا امي بتكره الكلمة دي شديد)
عاضة : بايخة
ضحاكات = فاصوليا = تشديرة = كنجالات : قروش
هواه قايم = فلسطين : مفلس
فاكة منه = ضارب سلك = لافي صينية = مجنون
شديدة = شرط للأرض : سمحة شديد
اتلحس : مات
سطالايت = راكب فيل : زول مسطول
اتفقع = اتسرق
شتات خالي محطات = رافع القزاز : فاتح لينا وما شغال بينا
كاسر كرونة : زول قاعد في محل بحبه
رمتالي : شماسي وما شابه
شرحبيل احمد : لمن الزول يتشرا
بلف : كمساري
كرسي الشهيد : الكرسي الجنب السواق
كنبة شكرا : اخر كنبة في الحافلة
حبكانة : حب و ريدة
عمك : راجل كبير
عضة = تشومة = منجرية : اكل
حديدة : عربية او سيارة
قرض : خلص على كدة او قفل على كدة
اب صفيحة : عساكر
اعمل نايم : انسى وما تشتغل بالموضوع
الفي قلبه هاجر كباشي براهو بتشبتشب = الفي قلبه حرقص براهو برقص : الي على راسه بطحة
لاند كدر : كداري او ماشي على رجليهو
شغال في شركة لافي : عااااااااااطل
كبس = كل ستة في حتة وكل جركانة في مكانها : كه تمام
جولة حول الدولة = عندي لفة
اتفكفك = شتت = اقطع وشك : امشي
مدردقة = ماشي الحال
دامة : بنت
10 قافلة : ودي عبارة بستعملوها في الكتشينة ومعناها الولد دة وجيه شديد
ماكل كباب : محوص
التعامل انجليزي = فارز عيشته : زول براهو وبقولوا عليهو برضو ابو ذر الغفاري
دق جرس : شاكلني
ضباح : ( ضبحني ليك ضبحة) يعني فكاها فيني او كضب علي
قداد = براي : زول كلامه كتير
اعمل ببيتو : خليك باين معانا
وبرضو الكوبيوتر ما سام من الكلام دة
hp تقيل : حب تقيييييييييل
color ولا ما color : البت دي سمحة ولا ما سمحة
سليرون ولا انتل : يعني جماله طبيعي ولا مضروب
عايزة كي بورد تقيل ولا alt+ctrl+delete : يعني بت راسها خفيف ولا عايز ليهو حنك تقيل
وفي النهاية و بمناسبة قاموسي دة قالوا ليك واحد عمك سمع باب بيته بيدق قام مشى فتح الباب.. لقى ليهو واحد وقام اخونا دة قال لعمك : يا جلك الفارة ولدك دقس و اتلحس وهاك دة شيرينق شرديت من الشباب وفي فرد قالوا بلفان وفلسطين.. يا حبة نحن مشتتين يا مان, تشااو
عمك قفل الباب وهو ما عارف انه جابوا ليهو خبر وفاة ولده.
الشباب المحترم
الطرح للموضوع تم بناءا علي العلم بالشي الذي يدور حول مسمعنا ليس للتداول به
منقول
ابوفارس
الطرح للموضوع تم بناءا علي العلم بالشي الذي يدور حول مسمعنا ليس للتداول به
منقول
ابوفارس