الاخوه ( الكوامر+ السنبلة) زي ما قلتو

الابن والاخ ابو فارس


جبت المفيد من عنوانك لانو الكوامر اولا بتقوم لزة دا لو كان فيها بطارية اصلا

وتانيا واكيد اللساتك نايمة وقديمة وماسحة على بال ما نلاقى محل لساتك ونركب ليها

كركاسات وتتشحن البطارية تكون الاتوسات وصلت الموقف وطالعة طرحة تانية

فاعذروا كومر قوم هكر


ولكم كل الشكر والتقدير

ابو فارس ( رئيس الجمهوريه)البين قوسين فارس ماانت!!!
تحيه واحترام ليك ولناس المنتدى
اضافه لكلام الاخ الطيب العوض ..اظنه الاكبر منك بيوم مشغول اكتر منك بسنه.. لو صح هذا التعبير.. نحن بنكون معاكم اكتر الاوقات متصفحين ..مستمتعين بكتاباتكم مره نضحك ..ومره نحزن من خبر.. وعشان نشاركم بمساهمه لازم نزوغ من الزحمه.. وماعارفه الزمن بقى شويه واللا نحن مشغولين ..ورغم ذلك نحب نقول ليكم اننا يوم مانلاقيكم بكون احساسنا زى الزول الطلع من بيته ومارجع..الى ان ندفر باب المنتدى وندخل بنكون رجعنا الضل وشمينا الهمبريب وحسينا دفء الاسره ومحنة الاهل ..اصلو يااتوسات ..طيبه دى فى قلوبنا وشرايينا وتحت جلدنا.. ولمن تسألو مننا وتفقدونا بنسعد اكتر ..وربنا يديم الود والالفه ..