نويــــــــــــــــــــــــــــــــــت أكتب...

ماشاء الله والله كلام حلو شديد ياأولاد لأنو شي الزول بحسو النبي ماتقيفو تمو غايتو نحن ناس حنية عيون ودميعات الكلام مابنعرف ليهو والله كان غرقت ليكم المنتدى دا والشطافات مايحلنكم مني.
وين سيد الرقة وملك الحنية كبيري تاج الراس ؟؟
برجاك....
وياعمو كل يوم تزيدنا دهشة.

السلام للزول (المسحلب) والسلام لي اي زول عايز يكتب
بس فهمونا حاجه الغربه دي بتخلي الناس تهضرب ولا بتظهر لينا نجوم (الامس).

رجعت أقول... لما وصلت النادي ياخال جنانا.................

ِِكِتِر (جداً) علي الشــــــــــــــــوق..

وقلت يا رب عليكم أتقسّم وأريتني أحوق..

اتّذكرت لمتنا و(بُن) خالتنا المحـــــووق..

تشرب بي مزااااج كأنك كنت ما مريوق..

ولمّا الضحكه بيناتنا تتوهط وتطير لا فوق..

نزيد حنيّه ونردّد لي أغاني الشــــــوق..

نقول للزول(سليــــــــم الـــــزوق)..

ونتوسل, أمانةً فيك تنزل من علاك الفوق وشوف الحشا المحروق..

ولما خلاااااص فينا الليل يروِّح والشّمِس تميل لي شــــــروق..

نلملم نحن (حاجاتنا) ونتواعد بحلم اللقيا وقت ما نــروق..

ومــــــــــــــــا بنروق...


حته ليك:

دي عملت لي (فليته) عديل كده.. (ألُخ فيها لي ساعه)..


حته ليكم:

سماحكم لي شين حروفنا يضاري....

حته لي (طيبه):

بالحيــــل بريدك.. وغلبني أسكت ولسه ما قادر أنضم عقد لي جيدك...

الزول ده يا سمعه دُرابو دا كان لملموا كان عمل ليهو بيت عدييييل كده

متااااوقة ساكت

بعد ما الليل خلاااص هود....

بعد ما الليل خلاااص هود....

بقينا أنا وزولى ..

نتعازم منو الفينا يقدم نجيمات السمر لى صباح باكر...


.... ..... فاصل ونواصل .......


.screen server....


. ...... space ... ودخلة تانى ......

---------------------

اتوسدك انا وسرى وحكاوى الريد ...


وأخاويك انا وهمى وعشق فى القليب مدفون..


أفتش انا وتعب عمرى..ووجع غربة أبت تقصر..

يمكن فى حضن ريدك نلاقى النوم وشوية ننجمة.. يايمة ياطيبة ..

ويايمة ياطيبة يمين بالله واحلف بيك ..

وبى ولى الفقراء والحضار ابويا ود الزين

كلو حوايج الراحة فى الغربة وليداتك شقيو وتعبو جابوها..

كل مداين الدنيا بى ضوها وجوها وناسا والفيها ...

ابت تديهم قليييييل من حنك ومن ريدك ومن راحة..

وكلو حلو وكلو جميل ابى يتحس ونفرح بيهو ..


عليك الله وعليك الريد 00....

شنو الخلانة زى عشاق نهاتيبك..وزى اطفال نشابيلك..

نشيل اللقمة ماتنفعنا..نحس بالغربة توجعا..

نقول يالله رجعنا ...وما نرجع 00 نعيد من تانى حسبتنا

سنين قرايتنا ..احلام كتيرة وردية .. وما نرجع...


وكيف نرجع ؟؟؟؟!!!

اريت الرجعة لو بالليد ..(ياودفور)


كان من دقشن بدرى حزمنا شنيطاتنا وليداتن وست الريد...

ولا عندك وصلنا سلام ....

وسلام يا أبوى وحضن يا يمة ونفس حبوبة تشمو تنجما...


سماحة التاتا وبنات الحلة ...يقولن للقمر من سماك إدلا

.وجيران كتيتتتتتتتتتتتيرة تتلما ...

نحس بالراحة من جووووووه.. نقالد الخالة والعمة..


حلات الدنيا فى ناسا وحلاوة الناس فيك يا امى ياطيبة..



عليك الله وعليك الريد 00....

شنو الخلانة ياطيبة زى عشاق نهاتيبك..

وزى اطفال نشابيلك...

كل مراس الدنيا ما رستنا ..
وكل مداين الشدهه ما شدتنا

الاترانا فى ريدك تراها كبييييرة قصتنا00




وبكرة راجعين فى المغيرب

وبس يا التاتا


أبو الشيماء

جبت ليكم كلامكم
وانا مرسال
من امي طيبة ياناس الكتابة هنا
وحلفتني قالت خليهم يردوا