الاحداث الاول(الاول بضم الالف وفتح الواو) لانى مابعرف التنوين من الكمبيوتر

الاخوة والابناء

لكم التحية والتقدير لهذا الجهد المقدر لربط القرية اولا بابنائها ثم العالم الالكترونى

فكرت ان اكتب عن احداث واشخاص كانوا الاوئل فى مجالاتهم ومهنهم

لذلك سوف ابدأ بالاحداث

1952 مدرسة طيبة وكانت من ثلاث فصول اذكر من الطلبة مثالا قسم السيد احمد, صديق محمد صالح, عرقلة, عثمان الصديق ,احمد العوض , قرشى الخير, عبدالله السمانى وآخرين

1961 من المفترض ان تدخل الكهرباء طيبة الا ان بعض من ابائنا رفضوا بحجة انها تحرق بيوتنا

1969 دخول الكهرباء

1968 اول فرقة مسرحية واول مسرحية بديوان المرحوم حاج سيداحمد ابطالها فضل السيد احمد واحمد الحاج وآخرين

اول ضابط بالجيش السودانى هو بكرى ابراهيم الخضر

اول ضابط بالبوليس هوالعميد شرطة قرشى صالح ابوعاج

اول ضابطة شرطة هى العقيد شرطة توحيدة صالح ابوعاج

اول طبيب جاه الله عمر الطاهر

اول طبيبة انصاف ابوعلامة
اول طبيبة اسنان جيهان الطيب يس
اول كابتن طيار المرحوم قسم محمد صالح
اول زراعى الشيخ محمد الامين
اول زراعية نوال الجيلى
اول محامية وداد محمد الامين
اول محامى الطيب العوض
اول سفير محمد حسين زروق

اول مهندس على الطيب عبدالمحمود

اول حملة الدكتوراة من الرجال الدكتور صديق الجاك و من النساءالدكتورة نوال العوض

اول مدير للمدرسة من ابناء القرية المربى الاستاذ الطيب عبدالرحمن عليه الرحمة
اول فرقة غنائية منظمة فى اوائل السبعينات اسسها كل من محمد البشير حبيب الله بابكر الطيب الزين قرشى قرشى الزين مصطفى عزالدين محمد الفكى وآخرين


ومسك الختام هى رابطة طلاب طيبة قام على أمر تأسيسها أذكر منهم الاستاذ طه الحسين بابكر على الطيب الخليفة الزهور محمد الفكى نوال العوض آسيا محمد الامين المرحوم قسم محمد صالح الشيخ محمد الامين وآخرين لهم العذر ان لم تسعفنا الذاكرة لتذكرهم وكان ذلك فى عام 1972
****
عشان تعرفوا مدى خراب الذاكرة فقد نسيت احد اهم الاوائل فى مجال وفر لنا هذا التوصل ويسرهالا وهو علوم الكمبيوتر

اول خبراء فى مجال الكمبيوتر فى السودان وهم ثلاث كان فى العام 1970 وهم من طيبة عبدالسيد العوض واحمد بليل من مدنى وعبد الحليم لا اعرف من اى بلد فى السودان
أول معلم مصطفى محمد الحبوب
أول صيدلي شمس الفلاح الحبوب
أول ضابط اداري مصطفى محمد الفكي


اول شيخ للحلة محمد فضل الله التوم والد آمنة وام سلمة

اول شهيد فداءا للوطن هو الشيخ الزين ود الشيخ القرشى فى موقعة كررى ومعه اليمنى سليمان جد اليمناب

سوداني جد سلام علي *** لو شفتو مرة تحس بي
سوداني جد في كل شي *** في قعدتو وقومتو ومشي
في ضحكتو في نبرتو وقولت كدي

سوداني في البيت الكبير *** ديوان مفرش بالحرير
تلقاه في التلت الاخير *** من الكرم تبرق عيني

سوداني بالسيف السنين *** سوداني في صبر السنين
والله يوم الحق يبين *** الروح يمين بتهون على

سوداني في الراي والفهم *** سوداني في لا لا ونعم
عز الرخا وعز العدم *** ما بغير الحال العلي

سوداني من ما قام ولد *** ما خوفوه بي اخ شرد
بعز بنات كل البلد *** والمتلو قط ما اتولد

سوداني في عشق الارض
سوداني في ستر العرض
سوداني بالطول والعرض
في عزتو وحفظ الفرض

أهلا بود العوض.
حبابك مليون.

دي المدينة.. وديل ايديا


داير اكتب.. في النوافذ


اسمي.. تاريخي


وحكاوي الرحلة


في الزمن المعاصر .


بحرنا فاضي راجيك.

شكرا البنية فطومة
كالم ال بنزاد لا بنهبش

عذرا فقد نسيت اول معلم هو الاستاذ مصفطى محمد الحبوب

اول صيدلى شمس الفلاح الحبوب

اول ضابط ادارى مصطفى محمد الفكى

وبوجودكم تكتمل فرحتنا
وايام الفرحة تزيد بهجتنا
بشموع الافراح يضاء المنتدي
وبحضوركم تزداد فرحتنا
ونحن بانتظار المزيد
على شذى الازهار نبث تحيتنا



لك التحيا اخى الطيب العوض عبد السيد

ما قلنا ليك يا ود هجتنا
ريدة (طيبه) بتجيب الناس الورا (حيطتنا)..
***
حته للخال:

والله كلام فاطمه ده (قهمنا).. وأن زدنا فيهو بيكون زي الأكل البجيبوا بعد (التحليه)..
لكن سعادتنا الحقيقيه في تواصلكم معنا وفائدتنا وارشادنا لما فيه كل الأجمل.. (من أجل طيبه)...

شكرا يا امجد على البخرة


اود ان اصحح اسم اول مهندس فقد اخطأت فى اسم الجد فهو على الطيب على الشيخ شقيق خريف

ياودفور الحيطه اصلا هشه ومبنيه من الجالوص وخريف المنتدى مطره بشعفوفه ورعد وبرق ..مرحب بالاخ الطيب ..حمدا لله على سلامة الوصول للمنتدى ..تستاهل الضبيحه .وقلنا واحد ياودفور.. والبقيه تأتى

التحية ليك يا خال وعلى المعلومات حقيقة كانت غائبة علينا ونتمنى التواصل اكتر واكتر للاكتساب المذيد

اخر الاحداث
تم تصميم صفحة لكل ابناء طيبة
بس المشاركة بقت معدوووووومة جدا

مع الاعتزار للعنوان وصاحب الموضوع
لبث الموضوع ع الايميل لكل من شارك فية

اخي وحبيبي وصديقي : الطيب
لك التحية والتجلة والتقدير وللمساهمة القيمة .
وحتى تكون هذه المساهمة مادة مرجعية يرجع إليها كل باحث ومهتم بتاريخ القرية ، نأمل إتمام ذلك بالآتي :
1- أول سكرتير لنادي القرشي
2- أول رئيس لنادي القرشي
3- أول من امتلك عربة .
4- أول من أدخل ثلاجة.
5- أول من أدخل تلفزيون.
6- أول من أدخل تلفون.
7- اسم أول كأس أحرزه نادي القرشي
8- أول من حصل على درجة الماجستير أو الدكتوراة في المجالات :
أ-الآداب
ب- التربية
ج- الاقتصاد
د-العلوم
9- أول قاضي
10- أول حكم كرة قدم
11- أول من دخل الجامعة.
12- أول فني أشعة.
13- أول فني تبريد.
14- أول أسرة سكنت .
15- أول جزار.
16- أول حلاق.
17- أول فرن.
18- أول طاحونة.
تصحيح :
ورد خطأ في اسم أول شهيد : والاسم الصحيح هو : الشيخ الزين بن الشيخ عبد الرحمن بن الشيخ القرشي . هو أخ البكيرة ووالد سيدنا علي والشيخ الطيب.