طيبة الشيخ القرشي ودالزين
منتديات طيبة الشيخ القرشي ترحب بكم
نرجو التسجيل ايها الزائرالكريم ... انت غير مسجل
وخاصة ابناء طيبة الشيخ القرشي
nets

انضم إلى المنتدى ، فالأمر سريع وسهل

طيبة الشيخ القرشي ودالزين
منتديات طيبة الشيخ القرشي ترحب بكم
نرجو التسجيل ايها الزائرالكريم ... انت غير مسجل
وخاصة ابناء طيبة الشيخ القرشي
nets
طيبة الشيخ القرشي ودالزين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات طيبه الشيخ القرشي ودالزين


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

تااااانى نصائح ام سودانية لابنتها

2 مشترك

اذهب الى الأسفل  رسالة [صفحة 1 من اصل 1]

1تااااانى نصائح ام سودانية لابنتها  Empty تااااانى نصائح ام سودانية لابنتها الأربعاء يوليو 13, 2011 11:19 pm

Amgad Ibrahim

Amgad Ibrahim





يا بت هوي فتحي عينك و ابقي نجيضة وفالحة..... قدر ما اجي داخله عليكم القاكي .... هي هي هي .... و قر قر قر ..... تضحكي مع عبد الله دا..
الراجل ما تضحكيلو كتير..... يسعلني الله، يحقر بك....الراجل اديهو
العين الحمرا. وان قدرك الله ايدك تلحقيها ليهو لحقيها...ابقي نجيضة.....آآي..... زي امك.....الله بسعلني وقت ابوكي يقول حاجة تضحك.... امشي اتحشر في الاوضة واضحك زيييين واجي مارقة صارة وشي.... وبعدين اوعك واوعك وبعدين تااااني اوعك... تقوليلو الجلابية دي سمحة ولا العمه اللابسها دي سمحة... نفسو تقوم تعجبو يعرس فوقك.... وبعدين تشربي ما تروي....واكربيهو بالطلبات.... اوعي تخلي لك قرش يبيت في جيبو...واوعك تخليهو يشوف ال...... بيخربن الرجال... و وقت المسلسل داك يبدأ شفتي جيبي فندكك واقعدي دقي أي حاجة جنبو ويا ريت لوكانت شطة... ولا كان شافعك جيعان وداير يرضع وبيبكي خليهو في بكاءهو داك لمن المسلسل ينتهي.... وبعدين ما يجى داخل يلقاكى تغنى حتى ان بقيتي دايرة تغني اوعك من الغنا الخايس ناس حبيبي حبيبي.... امسكي في الغنا الحار زي البيجري نسيبتو و مرتو طلقانة ولا اندب حظي ولا دفاعنا الشعبي ياهو ديل ولا النار ولعت بقلبي بطفيها.....اااااااااااي.... عشان تربيلو الزلعة .....والخلعة....بس اوعك تغني ليه الليلة يوم الرجال.... بيقوم يصدق و يتحنفش فوقك ساكت........ واوعك تشكريلو حاجة جابها.... ان جاب لك لحم ختي ايدك فوق راسك وقولي لو ووب علي ووب علي ووووب علي غشوك وادوك الجلافيط.....وان جاب لك فتيل ريحة اول ما تفتحيهو وتشميهو طوالي صرى وشك وقبلي غادي وابزغي وقوليلو دا شنو يا عبدالله؟......الريحة المتل ريحة الفسيخ دي جايبها من وين؟ غايتو انت مغستك تقد....... وان جنك نسوان ولا بنات....ما تخليهو يقعد وسطن....ويتونس.... طيريهو من البيت....وان ابى يمرق... قدرمايقول ليو نكته ولا يخفف دمو قدامن صري ليهو وشيك.... وقوليلو انت يا عبد الله ما عندك غير النكتة دي؟ يا خي عملت لنا بها وجع وش......اصلهم الرجال عارفاهم... الواحد فيهم من يشوفلو لمت بنات يقعد يخفف في دمو ويعمل فيها ودنفاش.....وتلقيهو يضحك بلا سبب... حتى ان واحدة قحت ساكت ... يقعد يضحك ويصفق اديهو....واوعك تخليهو معاهن وتدخلي المطبخ تسوي لك شربات .....وحات الله بنات الزمن دا ان غفلت من راجلك دقيقة بس تلقيها عرستو... ااااااى... اسمعى كلام امك يا بت حشاى .. امك دايرة مصلحتك .. ااااى

اسماعيل محمد عمر عثمان

اسماعيل محمد عمر عثمان

امك دايره قتاس حجرك مامصلحتك ....دي ياها النسيبه النقناقه زاااااااااته

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى