ســــــــودان جديد جميل...(ان شاء الله)

somia كتب:

كدى قول بسم الله هم متيييييين لحقو سافروا والله مالين الواطة
ولا دى خطرفات مغترب

ده الواقع بعد سنه بس.. شيلوا الصبر

(الجضيمات) ديل ماااا غريبات علي!!!

عليك الله يا سمعه الولد ده بشبه منوووووو؟؟؟؟؟؟

أنا هسه قلت (أمجد)..

اسماعيل محمد عمر عثمان كتب: بري

شنو يااا بُرّي عليك الله بعد كده اكتب سجمي...

السجم والرماد عليك يا بلد الرماد كال فيها حماد

السجم والرماد عليك يا بلد اتقطعتى وما هاميهم الولاد

السجم والرماد عليك يا بلد قدل فيك المتبرى منو خالق العباد


السجم والرماد عليك يا بلد ليلك ضلم ووشك لبس السواد

السجم والرماد عليك يا بلد ضيعناك بى ايدينا ظلم وسوط جلاد

السجم والرماد عليك يابلد ناح حمامك وبكت اسودك والجداد

السجم والرماد عليك يا بلدانخلع خاصرك وبنحلم بالهنا وطيب الرقاد

السجم عليك بابلد لا ود الزين بعود لا مهدينا عاجبو الفساد

فساد دين وخلق وذمم ياهو حالك يا بلد مادام عولك ماهمهم غير لفيمة الزاد

مهما طال ليلك وطال السهاد صيحك قرب وارجعو لى سيرة الاجداد

نعانخى تهراقا نمر ودحبوبة الماظ والقرشى الحررونا من الاضطهاد

بكرة تقدل مهيرة والكنانية وعازة يشيلو شبالن ولادن ما بهابو بارودنا يصلصل بدل دقاقة الحصاد

يا قريبك ياخ ماتزرني كده ؟؟؟[b]

يا الطيب العوض ازيك

حقيقة محتاجين لمشاركاتكم . كم نستفيد منها

انت وامثالك من الجيل القبلنا

اكتبو وناقشو وعايزين رايكم في ما نكتب علنا

ناخذ منكم القليل

سلام كتير لاولادك

[b]شكرا اختنا سعدية

التحايا موصولة لاخواننا ورفقاء الدرب

د. مرتضى د.محمد الضو وعصام قريب الله وكل مجموعة الكوامر وعلى رأسهم ابن الاخ عصمت الصادق

وقبل الكوامر كان فى الكندة عربية الدركسون بتاعها فى النص وسرعتها لا تتجاوز العشرين كلم فى الساعة وهى وسيلة المواصلات الوحيدة وكانت هناك كندة واحدة فى خط طيبة صاحبها الياس من شرفت تاتى الصباح وترجع بعد صلاة الظهر فقط وتانى الا الكدارى او الحمير

شكرا علي المرور يا استاذ

كنت متاكدة اننا حا ناخد منك معلومة جديدة

اها (الكوامر دي ماجديدة علي ناس امجد وجيلو)
اما الكندة دي عاد اسال منها آآآخوي ناس

مرتضي وجيلو انا قلت الجيل القبلكم طوووالي

داير تعملني قدركم ( نحن ناس باص طيبة جا )

وبالمناسبة (الحمير قاصد بيها الحمير بتاعة الله والرسول )

باقي عربات طيبة الهسسسسسسع دي اخييير منها حمير زمان

واقول ليك سر ناس الحلة بدسو من مواصلات الحلة اها اكان ركبو الحمير بتاعة زمااان ما اخير ليهم